The True Path

   ඉස්ලාම් දහම අනුව දැනුම හදවතෙහි ආලෝකය වේ. එසේම අකුසල් ක්‍රියාවන් නිසා හදවත අඳුරට පත් වන්නේය. මේ හේතුවෙන් යම් කෙනෙක් නිරන්තරයෙන්ම අකුසල් කරන විට පින් දහම් කිරීමට ඇති ආශාව නැතිවී යන්නේය. එය විෂම චක්‍රයක් ලෙස ක්‍රියා කරමින් අල්ලාහ්ගෙන් දුරස් වීමට බලපාන්නේය. නබිතුමාගේ හදිසයකට අනුව අකුසල් කරන තැනැත්තාට ලැබිය යුතු ප්‍රතිපාදන (provisions) බොහෝ දුරට අහිමිවේ. මේ නිසා ඔහු කොපමණ හම්බ කලත් කිසිදාක තෘප්තිමත් වන්නේ නැත.  කෙනෙකුගේ හදවත අඳුරු වන විට ඔහු අල්ලාහ්ගෙන් ඈත්වන්නේය. එවැනි කෙනෙකුට වැරදි ක්‍රියාවල නියැලීම එදිනෙදා ජිවිතයේ සාමන්‍ය දෙයක් බවට පත් වනු ඇත. මේ හේතුවන් එවැනි කෙනෙකුට මනුෂ්‍ය ඝාතනයක් සිදු කිරීම හෝ ඉස්ලාම් දහම තහනම් කොට ඇති යන්ත්‍ර මන්ත්‍ර ගුරුකම් වැනි දේවල් සිදු කිරීම මහා පාපයක් ලෙස පෙනෙන්නේ නැත.  තවද ඇතැම් අය සිදු කරනු ලබන වැරදි නිසා ඉස්ලාම් දහමින් අනිවාර්‍ය කොට ඇති සලාතය ඉටු කිරීම, උපවාස කිරීම, මුදල් හදල් තිබුනත් හජ් වන්දනය ඉටු කිරීම මහා බරක් ලෙස දැනෙන්නේය. ඉස්ලාම් දහම අනුව සලාතය ඉටු නොකර සිටීම මාහා පාපයකි. එසේ කරන තැනැත්තා කිසිම අයුරකින් සෞභාග්‍ය ලඟා කර ගන්...

මිනිසා සහජයෙන්ම වැරදි කරන්නේය. එම වැරදි කොතරම් විශාල වුවත් දෙවියන්ගේ සමාව ඊට වඩා විශාලය. මේ නිසා වැරදි කරන කිසිවෙකු අල්ලාහ්ගේ සමාව කෙරෙහි බලාපොරොත්තු සුන් කර ගත යුතු නැත. නබි තුමා පැවසුවේ අල්ලාහ්ගේ කරුණාව  මවකගේ කරුණාවට වඩා හැත්තෑ වාරයක් විශාල බවයි. මේ නිසා මොන තරම් වැරදි කලත් අලාහ්ගේ සමාව ගැන බලාපොරොත්තු තැබිය යුතුය. එසේ නොවුයේ නම් වැරදි කරන කිසිවෙකුට ස්වර්ගය ගැන බලාපොරොත්තු තැබීමට හැකි වන්නේ නැත.  මිනිසා කරන බොහෝ පව් දෛනිකව සිදු කරන්නාවූ සලාතය නිසාද උපවාසය නිසාද දානමය පින්කම් නිසාද හජ් වන්දනය නිසාද මැකී යන්නේය. කෙසේ වෙතත් මහා පාපයන්ට සමාව අයැදිය යුතුම වේ. ඒ අනුව අල්ලාහ්ට සමානයන් තබා තිබුනේ නම් ඉන් ගැලවීමට හැකි වන්නේ තමන් කල වරදින් මිදී පසුතැවිලි වීමෙන් පමණි.  මෙවැනි අවස්තාවක් හිමි වන්නේ අල්ලාහ් මිනිසා කරන වැරදි වලට එවෙලේම දඬුවම් නොකරන නිසාය.  අල්ලාහ්ට අවශ්‍ය නම් වැරදි නොකරන මිනිසුන් මැවීමට බැරි කමක් නැත. කෙසේ වෙතත් ඔහු උවමනාවෙන්ම මිනිසාව මවා තිබෙන්නේ හරි හෝ වැරදි කිරීමට හැකියාවත් සමගය. මේ නිසා මිනිසා උත්සාහ කරන්නේ නම් දේවදුතයින්ට වඩා උසස් විය හැකිය. එසේ වන...