සතුන්ට කරුණාව දැක්වීම ගැන ඉස්ලාම් පවසන්නේ කුමක්ද? (What does Islam say about kindness to animals?)
ඉස්ලාම් දහම අනුව සෑම ජීවියෙක්ම මවා ඇත්තේ යම් කිසි අරමුණක් සඳහාය. ඒ අනුව කිසිම හේතුවක් නොමැතිව සතුන්ට වධ දීම හෝ මරා දැමීම බලවත් පාපයකි. කෙසේ වෙතත් ආහාරය පිණිස හෝ දහමින් අනුමත වෙනත් හේතුන් නිසා හෝ සතුන් මැරීම ඉස්ලාම් දහම අනුව වරදක් නොවේ. කෙසේ වෙතත් සතුන්ට හිංසා කිරීම හෝ උන්ගේ ශක්තියට වඩා වැඩියෙන් වැඩ ගැනීම වරදක් බව ෂරියා නීතියෙන් පෙන්වා දෙන්නේය. නබිතුමාගේ හදිසයක දැක්වෙන පරිදි බනු ඉස්රායිල් කාන්තාවක් බලලෙකුට කෑම නොදී හිරකර තැබීම හේතුවෙන් ඌ මරණයට පත් විය. එම හේතුවෙන් ඇය කොපමණ පින් දහම් කරත් නිරයට යන බව නබිතුමා පැවසුවේය. තවත් හදිසයක සඳහන් වන අන්දමට එක්තරා ගණිකාවක් තිපාසයෙන් පෙළුණු බල්ලෙකුට අසල පිහිටි ළිඳකින් වතුර ගෙනවිත් දී උගේ තිපාසය සංසිඳුවේ ය. මේ හේතුවෙන් ඇයගේ පව් වලට සමාව ලැබුණු බවත් ඇය ස්වර්ගයට යන බවත් නබිතුමා පවසා ඇත. එක් දිනක් නබිතුමා සිය අනුගාමිකයින් සමග ගමනක් යමින් සිටි අතර වාරයේදී වෙනත් කටයුත්තක් සඳහා සුළු වේලාවකට එම ස්ථානයෙන් පිටත්ව ගොස් ඇත. එතුමා සිය අවශ්යතාවය අවසන් කොට නැවත පැමිණි විට ඔහුට දැක ගත හැකි වුයේ සහාබාවරු කිහිප දෙනෙක් එම ස්ථානයේ සිටි කුරුළු පැටව් දෙදෙනෙකුව මව් කිරිල