සහජීවනය (Co-Living)
.jpg)
මිනිසාට ආගමක් ලැබී ඇත්තේ නිවැරදි මාර්ගයේ ජිවත් වීමට මිස එකිනෙකා බේද කොට වෙන් කිරීමට නොවන බව තේරුම් ගත යුතුය. මෙය සිදු කළ යුත්තේ විවිධත්වය තුල එකමුතුකම ගොඩ නැගීම තුලින්ය. මෙම කරුණ හොඳින් තේරුම් නොගන්නේ නම් මිනිසාට කිසිමදාක සැනසීමෙන් ජිවත් වීමට ලැබෙන්නේ නැත. පරමාණුවේ සිට දැවැන්ත ක්ෂිරපත දක්වා වූ සෑම දෙයක්ම අන්‍යෝන්‍යවශයෙන් එකමුතුව ක්‍රියා කිරීම නිසා විශ්වය විනාශ නොවී පවතින්නේය. එසේම පරමාණුව තුල අන්‍යෝන්‍ය වශයෙන් එකිනෙකට ප්‍රතිවිරුද්ධ ධන ආරෝපණ සහ රින ආරෝපණ වලින් යුක්ත අංශු කිසිම විරුද්ධත්වයක් නොමැතිව ඉතා හොඳින් බැඳී පැවතීම නිසා ඒවායේ පැවැත්ම සිදු වන්නේය. තවද විශ්වයේ ඇති ගිනිගෙන දැවෙන තාරකා සහ ග්‍රහ වස්තු ඉතා හොඳ සමගියකින් එකතුවී තිබීම නිසා ඒවා විනාශ නොවී තිබෙන්නේය. එහෙත් මිනිසාගේ ඉරිසියාව, ක්‍රෝදය, වෛරය සහ තන්හාව නිසා සහයෝගයෙන් ජීවත්වීම අපහසු වී ඇත. සෑම දහමකින්ම උගන්වා ඇත්තේ මිනිසාට හොඳ කිරීමට මිස නරක නොවේ. ඉස්ලාම් දහම මේ සඳහා බොහෝ ප්‍රයෝගික ක්‍රියා මාර්ගයන් පෙන්වා දී ඇත. අසල්වැසියා කුමන ජාතිකයෙක් වුවත් ඔහු බඩගින්නේ සිටින විට ඔහුට නොදී තමන් පමණක් කුස පිරෙන්නට කන්නේ නම් ඔහු
