The True Path

මුස්ලිම්වරුන්ට අනිවාර්ය කොට ඇති කරුණු පහෙන් දෙවැන්න  සලාතය  වේ. එම නියෝගය නබිතුමාට ලැබෙන්නේ ඔහු අල්ලාහ්ව බැහැ දැකීමට ගිය මිහ්රාජ් ගමනේදීය. එසේ තිබියදී අනෙක් සෑම නියෝගයක්ම නබිතුමාට පහළ වුයේ ජිබ්‍ර්ල් නම් දේවදුතයා ගෙනෙන ලද පණිවිඩ හරහා ය. මේ නිසා සලාතයට විශේෂ තැනක් හිමිවේ. මිනිස් වර්ගයා සහ ජින් වර්ගයාව මවා තිබෙන්නේ අල්ලාහ්ට නැමදීම සඳහා ය. එමගින් මිනිසාට අල්ලාහ් සමග සමීප වීමට විශේෂ අවස්තාව උදාවේ. කෙනෙක් ඉටු කරන සලාතය මගින්  තම උවමනාවන් ඍජුවම  අල්ලාහ්ගෙන් අයැද සිටීමට අවස්ථාවක් ලැබේ. තවද  සලාතය මගින් මානසික සුවය මෙන්ම  ශරීර සෞඛ්‍යය අත්වේ. සලාතය නිසි පරිදි ඉටු කල විට පාපිෂ්ඨ ක්‍රියාවන්ගෙන් ආරක්ෂාව අත්වේ. එම කරුණ කුරානය තුල මෙසේ දැක්වේ.  "සලාතය ස්ථාපනය කරන්න. නියතව සලාතය මගින් ලජ්ජාශීලි දේවල් වලින්ද පිළිකුල් සහගත දේවල් වලින්ද වළක්වන්නේය" (කුරානය 29:45). එසේ තිබියදී යම් කෙනෙක් සලාතය කරන අතරම වැරදි ක්‍රියාවන්හි නිරත වන්නේ නම් ඉන් පෙනී යන්නේ ඔහුගේ සලාතයේ යම් වැරැද්දක් තිබෙන බවයි. එවැනි කෙනෙක් කල යුත්තේ ඔහුගේ සලාතය නිසි ලෙස ඉටු කිරීමට උත්සාහ කිරීමය.  සලාතය...

කොතරම් හොඳ පුද්ගලයෙක් වුවත් අහංකාර වන්නේ නම් ඔහුගේ විනාශය නියතය.  සාතන්ට උනෙත් එයම වේ. සාතන් දේව ශාපයට ඇතුලත් වීමට කලින් දෙවියන්ට වැඳ පුදාගෙන ස්වර්ගයේ වාසය කල කෙනෙක් විය. කෙසේ වෙතත් ආදම් තුමාව මැවූ පසු සාතන් ආදම් තුමා කෙරෙහි ඉරිසියා කළේය. එහි ප්‍රතිපලයක් ලෙස සාතන් ආදම් තුමා හට නමස්කාර නොකළේය.  කෙසේ වෙතත් ආදම් තුමාට නමස්කාර කරන ලෙස නියෝගය ලබා දුන්නේ අල්ලාහ් ය. සාතන් උඩඟු කමින් මත්වී සිටීම හේතුවෙන් ඔහුට එම නියෝගය ලබා දුන්නේ අල්ලාහ් බව තේරුම් ගැනීමට පවා නොහැකි විය.  එය ඔහුගේ විනාශයට කාරනාවක් විය. මෙම සිද්ධිය අල් කුරානයේ මෙලෙස විස්තර කොට ඇත.  "'මා නුඹට අණ දුන් කල්හි නුඹ සුජුද් නොකර සිටීම සඳහා නුඹව වැළැක්වූ දෙය කුමක්දැයි' ප්‍රශ්න කල කල්හි, 'මා ඔහුට වඩා උසස් වෙමි' 'නුඹ මාව ගින්නෙන් මවා ඇති අතර ඔහුව කිරි මැටියෙන් මවා ඇතැයි' පැවසුවේය. (කුරානය 7:12). සාතන් වැරදි කල පසු ඒ ගැන සිතා පසුතාවලි වීම වෙනුවට නිදහසට කරුණු දැක්විය. එය සාතන්ගේ උඩඟු කම ප්‍රදර්ශනය කිරීමකි. එය ඔහුගේ විනාශයට හේතුවක් විය. තම විනාශය ලඟා කර ගත් සාතන් අල්ලාහ්ගේ කෝපයටත් ශාපයටත් පාත්‍ර විය. එප...