සහජීවනය (coexistence)
මිනිසාගේ නොමනා ක්රියා කලාපය නිසා දැනටමත් ලෝක යුද්ධ දෙකක් සිදු කොට ඇත. එම යුද්ධ දෙකේදී මිලියන ගණන් මිනිස් ජිවිත සහ දේපල විනාශයට පත්වී තිබේ. එමගින් පරිසරයට සිදුවූ හානිය ද අති විශාල ය. දෙවන ලෝක යුද්ධයේදී ජපානයට හෙලන ලද පරමාණුක බෝම්බය නිසා එම ප්රදේශය පුරා විකිරණ ශීලි තරංග පිරි ගොස් ජිවත් වීමට නුසුදුසු පරිසරයක් නිර්මාණය වී තිබේ. මෙතරම් හානිදායක දෙයක් සිදුවී තිබියදීත් මිනිසා තවමත් පාඩමක් ඉගෙන ගෙන නැත. අදටත් ලෝකයේ ඇතැම් රටවල් වල යුද්ධ කෙරෙමින් පවතී.
මිනිසා තම අවට ඇති දේවල් වලින් ඉගෙන ගන්නේ නම් ඇසටවත් නොපෙනෙන පරමානුවෙන් පවා බොහෝ දේවල් ඉගෙන ගත හැකිය. පරමාණුවේ ඇති ප්රෝටෝන සහ ඉලෙක්ට්රෝන හාත්පසින්ම වෙනස් ලක්ෂණ ඇති අංශු වුවත් ඒවා සහයෝගයෙන් ක්රියා කිරීම නිසා විශ්වය පවතින්නේය. එසේම සුර්යයා ගිනිගෙන දැවෙන වස්තුවක් වුවත් පෘථිවිය සමග සහයෝගයෙන් කටයුතු කරන්නේය. සුර්යයා සහ පෘථිවිය අතර මෙවැනි සහයෝගයක් නොතිබෙන්නට පෘථිවිය මත කිසිම ජීවියෙක් දකින්නට නොලැබෙනු ඇත. අජීවී දේවල් එසේ ක්රියා කරද්දී සත්ව ලෝකය තුල සහයෝගයෙන් ක්රියා නොකරන ජීවියා මිනිසා වීම කනගාටුවට කරුණකි.
මිනිසුන්ගේ මෙවැනි නරක ක්රියාවලට ප්රධාන හේතුව උඩඟුකම, ඊර්ෂ්යාව, ක්රෝදය, කුහකකම, කෑදරකම වැනි ගුණාංග වේ. ඒවා නිසි ලෙස පාලනය කර යහපත් මිනිසෙකු වීම මිනිසාට ලැබී ඇති පරික්ෂාවකි. අල් කුරානයේ දැක්වෙන පරිදි මිනිසාට මරණය සහ ජිවය ලබා දී තිබෙන්නේ කව්රුන් අලංකාර ක්රයාවන් කරන්නේදැයි පරික්ෂා කිරීම සඳහාය. අබ මල් රේණුවක තරම්වත් උඩඟුකම සිත්තුල තිබුනේ නම් ස්වර්ගයට යා නොහැකි බව නබිතුමා පවසා තිබේ. සාතන්ව ස්වර්ගයෙන් නෙරපීමට මුලික හේතුව ඔහුගේ උඩඟු කම ය.
ඉස්ලාම් දහම සහජීවනය ගොඩ නැගීම සඳහා බොහෝ ප්රායෝගික ක්රියා මාර්ග ගෙන තිබේ. ඉස්ලාම් දහමේ ඇති අනිවාර්ය කුළුණු සියල්ලෙන්ම එය දැකිය හැකිය. ඒ අනුව මුස්ලිම්වරුන්ට අනිවාර්ය කොට ඇති සලාතය ඉටු කල යුත්තේ සාමුහික වශයෙනි. එසේම දනවතුන්ට පනවා ඇති සකාත් බද්ද නිසා මිනිසුන් අතර සහජීවනය ගොඩ නැගෙන්නේය. තවද වාර්ෂිකව සිදු කරනු ලබන උපවාසය නිසා ඇති හැකි අයට නැති බැරි අයගේ කුසගින්න ගැන අවබෝදයක් ලැබෙන්නේය. ඒ අනුව ඔවුන් දුප්පතුන්ට උදව් උපකාර කිරීමට පෙළඹෙන්නේය. එසේම හජ් වන්දනයේදී නන්දෙසින් ජනතාව මක්කාවට ඇදී යන්නේය. එම නිසා ලෝක මට්ටමින් මිනිසුන් අතර සහජීවනය ගොඩ නැගෙන්නේය. මේ හැරත් ඉස්ලාම් දහමින් දුගී ජනතාවට උදව් කිරීම දිරි ගන්වා තිබේ. මේ සෑම ක්රියා මාර්ගයකින්ම සිදු කෙරෙන්නේ ජනතාව අතර සහජීවනය ඇති කිරීමයි.
අසල්වැසි ප්රේමය ගැනද ඉස්ලාම් දහම දැඩි ලෙස අවවාද කොට තිබේ. මුස්ලිම්වරයෙකු කොතරම් පින් දහම් කලත් අසල්වැසියා ඔහුගේ හිංසනයෙන් පිඩා විඳින්නේ නම් ඔහු හෝ ඇය ස්වර්ගයට යන්නේ නැත. තවත් හදිසයක දැක්වෙන්නේ තම අසල්වැසියා කුසගින්නෙන් සිටිනු දැක දැකත් තම කුස පමණක් පුරවන තැනත්තා මුස්ලිම්වරයෙකු නොවන බවයි.
මල්වත්තක් අලංකාර වීමට නම් විවිධ පාටින් යුතු මල් එහි තිබිය යුතුය. එහි ඇති සෑම මලක්ම එකම වර්ණයකින් යුක්ත වන්නේ නම් කිසිවෙකුගේ ආකර්ෂණය එම මල් වත්ත දෙසට හැරෙන්නේ නැත.. එසේම විවිධ ජාතින් නිසා රටක් මෙන්ම නගරයක් අලංකාරවත් වේ. එසේ තිබියදී ඇතැම් දියුණු රටවල් වල පවා කළු ජාතීන්ට වෙනස්කම් කරන්නේය. එසේම ඇතැම් අවස්ථාවලදී මුස්ලිම්වරුන්ගේ ඇඳුමට නිගා කරන්නේය. මෙවැනි ක්රියා සහජීවනයට විශාල හානියක් ගෙන දෙන්නේය.
රටක දියුණුව රඳා පවතින්නේ මිනිසුන් අතර ඇති සමගිය සහ සහජීවනය නිසාය, මේ නිසා පෞද්ගලික වාසි තකා එකිනෙකාට එරෙහි වීමෙන් වැලකි සෑම කෙනෙකුම සමගියෙන් ජිවත් වීමට ක්රියා කල යුතුය. දේශපාලනික වාසි තකා ජාතිවාදය අවුස්සන අයට ජන්දය දීමෙන් වැලකී සිටිය යුතුය.
By Fasy Ajward. B.Sc(PhysicsSpecial)Hons,Japura.
Ex: Research officer at Ceylon Institute of Scientific and Industrial Research.
Twiter:- thetrue_path
Comments
Post a Comment