විශ්වය ඇති වූයේ කෙසේද? (How did the universe come into being?)

විද්‍යාවේ දියුණුවට පෙර විශ්වය සදාකල් පැවති බව විශ්වාස කලෝය. එහෙත් විශ්වය ප්‍රසාරණය වන බව සොයාගැනීමෙන් පසු ඉදිරිපත් කෙරුණු මහා පිපුරුම් වාදයෙන් එම මතය බිඳ වැටුනේය. කෙසේ වෙතත් මහා පිපුරුම් වාදයේ ප්‍රතිපලයක් ලෙස විශ්වයට ආරම්භයක් තිබිය යුතු බව නිගමනය කරනු ලැබිය. එය පිළිගත් විට විශ්වයට නිර්මාණකරුවෙක් සිටිය යුතු බව පිළිගැනීමට සිදු වේ. ඒ අනුව ලොව ඇති සෑම ප්‍රධාන ආගමකින්ම කියැවෙන්නේ බිශ්වය දෙවියන් විසින් මැවූ බවයි. කෙසේ වෙතත් එය පිලි නොගන්නා විද්ඥායින් වෙනස් මත ඉදිරිපත් කොට තිබේ. එහෙත් එම කිසිම මතයකින් විශ්වය ඇතිවූ අන්දම අංග සම්පුර්නව විස්තර කොට නැත. එසේ තිබියදීත් විශ්වය දෙවියන්ගේ මැවීමක් බව විද්‍යාඥයින් පිලි ගන්නේද නැත. 

පර්යේෂණ මගින් විද්‍යාඥයින් නොයෙකුත් නිගමනවලට පැමිණෙන ආකාරයටම දෙවියන්ගේ නියෝජිතයින් විසින් ප්‍රාතිහාරයන් මගින් ඔවුන් දෙවියන්ගේ නියෝජිතයින් බව ජනතාවට ඒත්තු ගන්වන්නේය. එම ප්‍රතිහාරයන් දෙවියන්ගේ උදව්වෙන්ම මිස වෙනත් කිසිම ආකාරයකින් සිදු කල නොහැකි ය. උදාහරණයක් ලෙස ජේසු තුමා දෙවියන්ගේ උදව්වෙන් මළවුන් නැගිටුවා තිබේ. තවද උපතින්ම අන්ද වූ අයට දෙවියන්ගේ උදව්වෙන් පෙනුම ලබා දී ඇත. මේ හැර තවත් බොහෝ හාස්කම් ඔහු විසින් සිදු කොට ඇත. ඒ අකාරයටම ලොව පහළ වූ සෑම නබිවරයෙකුම දෙවියන්ගේ උදව්ව ඇතිව නොයෙකුත් ප්‍රාතිහාරයන් පෙන්වා තිබේ. මෙවැනි ප්‍රාතිහාරයන් පෑමට අද නබිවරයෙකු ජිවතුන් අතර නැතත් මුහම්මද් නබි තුමාට පහළ වූ කුරානය ජීවමාන ප්‍රාතිහාරයක්ව පවතින්නේය. 

අල් කුරානය වැනි ග්‍රන්ථයක් කිසිවෙකුට මෙතෙක් නිර්මාණය කිරීමට හැකිවී නැත. ඒ අනුව එය සෑම අතින්ම මිනිසාට නිර්මාණය කල නොහැකි ග්‍රන්ථයක් බවට පත්ව තිබේ. විද්ඥායින් විසින් මෑතකදී සොයා ගන්නා ලද බොහෝ කරුණු ඉතා නිවැරදිව එහි ඇතුලත් වී තිබේ. එවැනි දෙයක් විද්‍යාව නොදියුණු හත්වන සිය වසේදී අනාවරණය කිරීම හාස්කමකි. විශ්වයට ආරම්භයක් ඇතැයි නිගමනය කිරීමට හේතු කාරනා වූ විශ්වයේ ප්‍රසාරණය ගැන එහි සඳහන් වන්නේ 7 වන සිය වසේදීය. මෙවැනි අනාවරණයක් දේව පණිවිඩයකින්ම මිස වෙන කිසිම ක්‍රමයකින් පැවසිය නොහැකි බව විද්‍යාඥයින් පවා පිළිගන්නේය.

අල් කුරානයේ සඳහන වන බොහෝ කරුණු සොයාගනු ලැබුවේ 20 වන සිය වසේදීය. එහෙත් ඒවා සියල්ලම 100% නිවැරදි බව තහවුරු කොට තිබේ. ඒ අනුව කුරානයේ ඇති අනෙකුත් සියලුම කරුණු සත්‍ය ඒවා බව අපට පිළිගත හැකිය. 

කුරානය පමණක් නොව බයිබලය අනුවද විශ්වය දෙවියන්ගේ මැවීමකි. එහෙත් දෙවියන් මෙම විශ්වයට සිමා වන්නේ නැත. මේ නිසා දෙවියන් ගැන දැනගත හැක්කේ ඔහු විසින් පහළ කරන ලද දහම් පණිවිඩයකින්ම පමණි. අල් කුරානයට අනුව දෙවියන් එක්කෙනෙකි. ඔහුට කිසිවෙකුගේ උදව් උපකාර අවශ්‍ය නොවේ. ඔහුව කිසිවෙකු විසින් ප්‍රසුත කරනු ලැබුවේද නැත. එසේම ඔහු විසින් කිසිවෙකුව ප්‍රසුත කරනු ලැබුවේද නැත. ඔහුට සමාන කිසිවෙකුද නැත. 

මිහිපිට ජිවත් වන සත්වයින් අතරින් මිනිසාට සුවිශේෂී තැනක් හිමිවේ. ඒ අනුව මිනිසාට තමන්ව මැවූ දෙවි කෙනෙක් සිටිය යුතු බව අවබෝද කර ගැනීමට තරම් බුද්ධියක් ලැබී ඇත. ඒ හැරුණු විට මිනිසාව මැවීමට හේතුව දෙවියන් පහළ කල සෑම දහම් පනිවිදයකින්ම දැනුවත් කොට තිබේ. ඒ අනුව මිනිසාට පැවරෙන ප්‍රධාන වගකීම වන්නේ දෙවියන් පෙන්වා ඇති දහම අනුව ජිවත් වීමය. එසේ කිරීමෙන් මරණයෙන් මතු ජීවිතයේදී සවර්ගය ලැබීමට හේතුවක් වේ. 

අල් කුරානය තුල ස්වර්ගය ගැනත් නරකාදිය ගැනත් දීර්ඝ ලෙස විස්තර කොට තිබේ. ලෞකික ජීවිතය හමාර කිරීමෙන් පසු කැමැත්තෙන් හෝ අකමැත්තෙන් ඉන් කුමන හෝ තැනකට යා යුතුය. එහෙත් බොහෝ අය ස්වර්ගයට නොයන්නේ එය අත්කර ගැනීම අපහසු කාර්යයක් නිසා නොව ඔවුන්ගේ මුරණ්ඩු කම නිසාය. සුවර්ගයට යාම සඳහා දෙවියන්ව විශ්වාස කිරීම අනිවාර්ය වේ. එහෙත් බොහෝ අය දෙවියන්ව දකින තුරු ඔහුව විශ්වාස කරන්නේ නැත. එය ඔවුන්ගේ ස්වර්ගයට බදකයකි.

Fasy Ajward.B.Sc (PhysicsSpecial) Hons. Japura.

https://www.facebook.com/thetruepathofislam
http://truepath1.blogspot.com/
ට්විටර්:- thetrue_path