ඉස්ලාම් දහම අනුව සත්ව කරුණාව (Kindness to Animals in Islam)
නබිතුමා ඔහුගේ අවසාන
අරෆා දේශනයේදී සමානාත්මතාව ගැන අවධාරණයෙන් සඳහන් කොට ඇත. ඒ අනුව පාට, කුලය, පෙළපත
අනුව කිසිවෙකු උසස් වන්නේ හෝ පහත් වන්නේ නැත. එම නිසා අරාබි ජාතිකයෙකු අරාබි නොවන
අයට වඩා උසස් වන්නේ හෝ අරාබි නොවන තැනැත්තෙකු අරාබි ජාතිකයාට වඩා උසස් වන්නේද නැත.
සියල්ලෝම සහෝදරයින්ය.
ඉස්ලාමීය නීතිය අනුව
මුස්ලිම් නොවන්නෙකුට ඉස්ලාමිය පාලනය තුල සෑම මිනිස් අයිතිවාසිකමක්ම හිමි වනු ඇත.
එසේම මිනිසාට මෙන්ම සත්වයින්ගේ අයිතිවාසිකම් ගැනද අල්-කුරානය පැහැදිලිව සඳහන් කොට
ඇත.
“පොළොවෙහි ඇති ජීවින්ද,
තම පිහාටු ජෝඩුවලින් ඉගිලෙන පක්ෂින්ද නුඹලා වැනි සමුහයන්ය! (ආරක්ෂා කරනු ලැබූ)
සටහන් ලේඛනයෙහි අප කිසිවක් අත්හැර දැම්මේ නැත. පසුව ඔවුන් තමන්ගේ ‘රබ්’ වෙත
එක්රැස් කරනු ලබන්නෝය” (කුරානය 6:38).
නබිවදනක් අනුව සෑම
මිනිසෙකුම දෙවියන්ගේ සෙසු මැවීම් වලට භාරකරුවෙකුය. මෙම භාරකාරත්වයේ එක් කොටසක්
වන්නේ සත්වයින්ට කරුණාව දැක්වීමය. නබිතුමා පවසන අන්දමට සත්වයින්ට කරනු ලබන හිංසාව
නිසා උන් පත්වන වේදනාව ගැන මරණයෙන් පසු ඇති විනිශ්චය දිනයේදී දෙවියන් ප්‍රශ්න කරනු
ඇත. මේ බව කියවෙන නබිවදනක් පහත දැක්වේ.
“යම්කිසිවෙකු සෙල්ලමට ගේ
කුරුල්ලෙකු මරා දැමුවේ නම්, එම ගේ කුරුල්ලා විනිශ්චය දිනයේදී, ‘දෙවියනි! එම
තැනැත්තා මාව නිකරුනේ මරා දැමුවා! ඔහු කිසිම වැදගත් කමකට මාව මැරුවේ නෑ’ යනුවෙන්
පවසනු ඇත. (සුනන් අන් නිසායි).
තවත් නබිවදනක මෙසේ දැකිය
හැකිය.
“අබු හුරෛරා රලි තුමා
පවසන වග නම්, එක් මිනිසෙකු පාරේ ඇවිදිමින් සිටින විට ඇති වූ අධික තිපාසය නිසා අසල
පිහිටි ලිඳකට බැස වතුර බි පිටතට පැමිණ ඇත. එම අවස්ථාවේදී එක් බල්ලෙක් තිපාසය නිසා
අසල තිබුණු මඩ ලෙව කමින් සිටිනු දැක ඇත. මෙය දුටු එම තැනැත්තා, “මේ බලලත් මං වගේම
තිපාසයෙන් ඉන්නවා ඇති’ යනුවෙන් සිතා නැවත එම ලිඳට බැස ඔහුගේ පාවහන් තුල ජලය
ගෙනවිත් එම බල්ලාගේ මුව තුලට වත්කර තිබේ. මෙම කරුණ නිසා අල්ලාහ් සතුටු වූ අතර එම
තැනැත්තාට සමාව දුන් බව නබිතුමා පැවසූවේය. එවිට එහි සිටි ජනතාව, ‘අල්ලාහ්ගේ වක්තෘ
වරයාණෙනි! සතුන්ට උදව් කලත් පින් ලැබෙනවාදැ’යි අසා තිබේ. එවිය ඔහු, ‘සැබවින්ම ඔව්!
සතුන්ට උදව් කිරීමෙනුත් පින් ලැබෙනවා’ යනුවෙන් පවසා ඇත. (සහිහ් බුහාරි 8:38).
By Fasy Ajward.B.Sc(Special)Hons.
Ex: Research officer at Ceylon Institute of Scientific and Industrial Research.
Comments
Post a Comment