පොරොන්දු කඩ කිරීම (Breaking promise )
කෙනෙක් තවත් කෙනෙකුට
දුන් පොරොන්දුවක් හේතුවක් නොමැතිව හිතා මතාම කඩ කිරීම භයානක තත්වයකි. එහෙත් අමතක
වීමකින් පොරොන්දුවක් ඉටු කිරීමට නොහැකි වීම වරදක් නොවන බව අබු හුරෛරා රලි තුමා
පවසන නබි වදනක සඳහන් වේ.
කෙසේ වෙතත් අද සමාජය තුල
එවැනි සිදුවීම් දහම ගැන නොදන්නා අය අතර පමණක් නොව දහම ගැන හොඳින් දැන උගත් අය අතරත්
සුලබව දැකීමට හැකි වීම අතිශයින්ම කනගානු දායක තත්වයකි. මෙම තුච්ච ක්රියාව නිසා
පාඩු දෙකක්ම සිදු වන්නේය. මිනිසුන්ට එවැනි අය කෙරෙහි කල කිරීමක් ඇති වනවා පමණක්
නොව යම් කණ්ඩායමක් එවැනි වැරදි සිදු කරන විට එම කණ්ඩායම කෙරෙහි අනිත් අය ක්රමානුකුලව
ඇති වනු ඇත. මෙයින් සිදු වන්නේ එවැනි අය විසින් සිදු කරනු ලබන වටිනා ක්රියාවන්ටද පිළිගැනීමක්
නොලැබී යාමය. මේ නිසා මෙම වරදින් වැලකී ක්රියා කිරීමට සියළු උත්සාහයන්ම ගත යුතුව
ඇත.
ඉස්ලාම් දහම අනුව හිතා මතා
පොරොන්දු කඩ කිරීම මුනාෆික් කම නොහොත් කුහක කමෙහි එක් ලක්ෂණයකි. එසේම එය පාපයකි. එබැවින්
යම් කෙනෙකු වෙනත් කෙනෙකුට පොරොන්දුවක් දෙනවා නම් එය ඉටුකිරීමට වග බලාගත යුතුය. යම්
විදියකින් එය කල නොහැකි වන්නේ නම් පොරොන්දුව දුන් තැනැත්තා සමග ඒ බව පවසා
විකල්පයක් ලබා ගත යුතුය. මේ දෙකම නොකිරීමෙන් පෙනී යන්නේ දහම ගැන ඔහුට තිබෙන උදාසීන
බවය.
කෙසේ වෙතත් කෙනෙකුගේ තර්ජනයක්
හමුවේ පොරොන්දු ඉටු නොකර සිටීමට ඉස්ලාම් දහමින් අවසර ලැබේ. මෙය පහත දැක්වෙන නබි
වදනින් තේරුම් ගත හැකිය.
“ඉබ්නු අබ්බාස් රලි තුමා
නබිතුමා පැවසූ බවට මෙසේ සඳහන් කරයි: මාගේ අනුගාමිකයින් අමතක වීම නිසා හෝ බලපෑමකට
යටත් වූ නිසා හෝ කරන වැරදි වලට අල්ලාහ්ගෙන් සමාව ලැබෙනු ඇත” (ඉබ්නු මාජා 2045, මෙම
හදිසය සහිහ් බවට ෂෙයික් අල්බානි තුමා පවසා ඇත).
ෆාසි අජ්වාඩ්
Comments
Post a Comment