මුස්ලිම්වරුන්ට වෙනම ක්වාසි අධිකරණ අවශ්‍ය ඇයි? (Why do Muslims need a separate quasi-courts?)
ඉස්ලාම් දහම අනුව ජිවිතයේ සෑම දෙයක්ම ක්‍රියාත්මක වන්නේ දෙවියන් ලබා දී ඇති නීති රීති වලට යටත්වය. මේ නිසා මුස්ලිම්වරයෙකු විවාහ වන්නේද දික්කසාද වන්නේද දහමින් පෙන්වා ඇති නීති අනුගමනය කරමින් වේ. මේ හේතුවෙන් ඔවුන්ට වෙනමම උසාවියක් තිබිය යුතුය. කෙසේ වෙතත් මෙවැනි උසාවි තිබෙන්නේ මුස්ලිම්වරුන් සඳහා පමණක් නොවේ. එය සෑම ජාතියක් සඳහාම ලංකාව තුල ක්‍රියාත්මක වන්නේය. මේ හේතුවෙන් ලංකාව තුල ප්‍රධාන වශයෙන් රෝමානු ලන්දේසි නිතිය ක්‍රියාත්මක වුවද උඩරට නිතිය (උඩරට පමණක් බලපායි), තේසවලාම නිතිය (යාපනයට පමණක් බලපායි), ඉස්ලාම් ෂරියා නීතිය (මුස්ලිම්වරුන්ට පමණක් බලපායි), බෞද්ධ සහ හින්දු නීතිය (බෞද්ධයින්ට සහ හින්දුන්ගෙන් කොටසකට පමණක් බලපායි) ඒ ඒ ජාතින් වෙනුවෙන් ක්‍රියාත්මක වේ.
කෙසේ වෙතත් ලංකාවේ අධිකරණ පද්දතිය සමන්විත වන්නේ ශ්‍රේෂ්ඨාධිකරණය, අභියාචනාධිකරණය, මහාධිකරණ, නාගරික අධිකරණය සහ ප්‍රාථමික යන අධිකරණවලින් ය. මේවාට අමතරව විනිශ්චය සභාවලින්ද සුළු නඩු විභාග කරනු ලැබේ. එහෙත් සාපරාධී නීතිය සම්බන්ධ දේවල් ක්‍රියාත්මක කිරීම සඳහා අධිකරණ බලය පැවරෙන එකම උසාවිය වනුයේ මහේස්ත්‍රාත් උසාවිය හෝ මහාධිකරණය යි.
ක්වාසි උසාවියක් සමත මණ්ඩලයක ස්වභාවය ගන්නේය. මේ හේතුවෙන් ඒවායේ නඩු විභාග කිරීම සැමවිටම නීතිඥයෙකු මගින් සිදු වන්නේ නැත. එහෙත් ඒවා රජයේ අධීක්ෂණය යටතේ ක්‍රියාත්මක වන්නේය. කෙසේ වෙතත් ක්වාසි උසාවියකදී සමතයකට පත් කිරීමට නොහැකි වන නඩු මහේස්ත්‍රාත් උසාවියකට යොමු කරනු ලැබේ.
එසේ තිබියදී ඇතැම් අය ක්වාසි උසාවිවලට අයුතු චෝදනා සිදු කරන්නේය. ඇත්තෙන්ම එය කනගාටුවට කරුණකි. ක්වාසි උසාවි නිසා මුස්ලිම් ජනතාවට විශාල සේවයක් සිදු වන්නේය. එහි නඩු කටයුතු සඳහා විශාල කාලයක් නොයාමත් විශාල වියදම් දැරීමට සිදු නොවීමත් ප්‍රධාන තැනක් ගන්නේය.
ක්වාසි උසාවි අහෝසි කොට මහේස්ත්‍රාත් උසාවි වල මුස්ලිම්වරුන්ගේ නඩු විභාහ කිරීම සිදු කරන්නේ නම් දැනටමත් උසාවිවල බොහෝ නඩු ගොඩ ගැසී තිබෙන අවස්ථවක තවත් ප්‍රමාද වී නඩු විසඳීමට සිදු වනු ඇත. එවිට දික්කසදයකින් පසු තවත් විවාහයක් කර ගැහීමට සිදු වන්නේ විශාල කාලයකින් පසුවය. එය මිනිසාට කරන අසාධාරනයක් නොවේද?
By Fasy Ajward.B.Sc(special)Hons,
Ex: Research officer at former Scientific and Industrial Research Institute.
Twitter:-thetrue_path
Twitter:-thetrue_path
Comments
Post a Comment