නිවැරදි ආගමක් නැති ජීවිතය කෙළවර වන්නේ කොතැනින්ද? (Where does life end without the right religion?)

මිනිසා සුවිශේෂී නිර්මාණයකි. ඇයිද යත් කොඳු නාරටිය සිරස් අතට තබාගෙන ඇවිදින එකම සත්වයා මිනිසාය. බොහෝ භාෂාවන් කතා කරන්නේ මිනිසාය. මිනිසාගේ ඇඟිලිවල සුවිශේෂී නිර්මාණය නිසා පහසුවෙන්ම පෑනක් හැසිරවිය හැකිය. මේ නිසා මිනිසා දන්නා දේවල් තවත් කෙනෙකුට වචනයෙන් හෝ ලිඛිතව සන්නිවේදනය කල හැකිය. ආගමක් අදහන එකම සත්වයාද මිනිසාය. මෙතරම් දෙයක් අහම්බෙන් සිදු විය නොහැක. එසේ නම් මිනිසාව මවා තිබෙන්නේ කුමක් සඳහා ද? 

මිනිසා මෙලොවට පැමිණියේ කොහි සිටද? ජිවිතයේ අරමුණ කුමක්ද? මරණයෙන් පසු කුමක් සිදු විය හැකිද? 

මෙම ප්‍රශ්න වලට පිළිතුරු මිනිසාගේ මැවුම්කරු වන දෙවියන් විසින් ලබා දී තිබේ. ඒ අනුව ඇතැමුන් දෙවියන්ව විශ්වාස කරන අතර තවත් සමහරුන්ට ආගම යනු සුරංගනා කතාවක් පමණි. එබැවින් ඔවුන්ට ලෞකික ජීවිතය කෙලි සෙල්ලමක්ද අලංකාරයද එකිනෙකා අතර පුරසාරම් දෙඩවීමද වස්තුව ගොඩ ගැසීමද බව කුරානය පවසයි. ඇත්තෙන්ම ලෞකික ජීවිතය මායාවක් මිස වෙන දෙයක් නොවන බවද කුරානයෙන් පෙන්වා දෙන්නේය.

මරණයෙන් පසු ජිවිතයක් තිබෙන බව විශ්වාස නොකරන අය ඊට සුදානම් වන්නේද නැත. ඔවුන්ගේ එකම පැතුම මුදල් හම්බ කිරීම ය. එහෙත් කොතරම් මුදල් හම්බ කලත් ජිවිතයේ බලාපොරොත්තු වන සතුට ලැබෙන්නේ නැත. මේ හේතුවෙන් තව තවත් වස්තුව සොයනවා මිස කිසිදාක තෘප්තියට පත් වන්නේ නැත. ඊට හේතුව ඔවුන්ගේ සිත් අධ්‍යාත්මික වශයෙන් ඝන අඳුරේ පැවතීම යි. ඇත්ත වශයෙන්ම සිත් සැනසුම ලබන්නේ අල්ලාහ්ව මෙනෙහි කිරීමෙන් බව කුරානය නැවත නැවතත් අවධාරණය කරන්නේය.

මිනිසා මව් කුසේදි මේ ලෝකය ගැන දැනගෙන සිටියේ නැත. එහෙත් දෙවියන්ගේ සලලුම අනුව කැමැත්තෙන් හෝ අකමැත්තෙන් මේ ලෝකයට පැමිණියේය. මෙලොව ජීවිතය ද සදාකාලික නොවේ. මේ නිසා යම් දවසක මරණය වැළඳ ගත යුතු අතර තවත් ලෝකයකට යෑමට නියමිතය. එම ලෝකයේ ජය පරාජය තීරණය වන්නේ මිනිසා මෙලොවදී කරන කුසල් හෝ අකුසල් මතය. 

කුසල් හෝ අකුසල් මිනිසාට තීරණය කල නොහැක. එය දෙවියන් පහළ කල දහමින්ම දැනගත යුතු වේ. සෑම ආගමක්ම පහළ වුයේ එය පෙන්වා දීම සඳහාය. අල් කුරානය සකල මිනිස් වර්ගයා වෙනුවෙන් අල්ලාහ් පහළ කරන ලද අවසන දේව පණිවිඩය වේ. 

මිනිසා උපදින්නේ දෙවියන් පිලිබඳ හැඟීමත් සමග ය. මේ නිසා අදේවවාදියෙකු පවා විශාල කරදරයකට මුහුණ දුන් විට දෙවියන්ව සිහි කොට උදව් පතන්නේය. එසේ කරන්නේ මිනිස් සිත තුල සහජයෙන්ම දෙවියන් පිලිබඳ හැඟීම තිබෙන නිසාය. කෙසේ වෙතත් නිවැරදි දහම තෝරාගෙන ඒ අනුව ජිවත් නොවුයේ නම් මරණයෙන් පසු පඩුවක්ම වේ. නිවැරදි දහම යන්නෙන් අදහස් කරන්නේ දෙවියන් පහළ කරන ලද අකාරයෙන්ම පවතින දහමකි. අද ලෝකයේ එවැනි දහම් පණිවිඩයකට ඇත්තේ අල් කුරානය පමණි. අනෙක් සෑම ආගමක්ම කාලයාගේ ඇවෑමෙන් බොහෝ වෙනස්කම් වලට ලක් වී තිබේ. ඇතැම් දහම්වල කොටස් අතුරුදහන් වී ඇත. ඇතැම් දහම් ඒවා පහළ වූ භාෂාවෙන් අද නැත. මේ හේතුවෙන් එම දහම්වල පරිවර්තන දෝෂ ඇතිවීම වැළැක්විය නොහැකිය. 

අල් කුරානයට අනුව මිනිසාව මවා තිබෙනේ අල්ලාහ්ට නැමදීම සඳහාය. එසේ තිබියදී බොහෝ අය මිනිසා විසින්ම නිර්මාණය කල දේව රුප වලට වැඳුම් පිදුම් කරන්නේය. එහෙත් එම දේව රූපවලින් කිසිම දෙයක් මවා නැත. කිසිම කෙනෙකුගේ කන්නලව් වලට පිළිතුරු දෙන්නේද නැත. මේ නිසා සත්‍යය දෙවියන් කව්රුන්ද යන්න දැනගෙන ඔහුට නැමදිය යුතු නොවේද?

By Fasy Ajward, B.Sc(PhysicsSpecial)Hons,Japura. 

https://www.facebook.com/thetruepathofislam

http://truepath1.blogspot.com/

Twitter:-thetrue_path