රැවුල ඉස්ලාමීය දෘෂ්ටි කෝණයෙන් (The Islamic Perspective Of The Beard)

මෙලොවට පහළ වු සෑම නබිවරයෙකුම රැවුල වවා තිබේ. ඔවුන් කිසිවෙකු රැවුල සම්පුර්ණයෙන්ම බා නැත. නබිවරුන් පමණක් නොව මුස්ලිම් නොවන දාර්ශනිකයින් මෙන්ම පැරණි විද්‍යාඥයින්  පවා රැවුල වවා තිබේ. කෙසේ වෙතත් මුස්ලිම් නොවන බොහෝ අය රැවුල බෑම පුරුද්දක් කර ගෙන ඇත. එසේ තිබියදී ඇතැම් අය යටි රැවුල බා උඩු රැවුල වවති. එහෙත් මෙම ක්‍රියාව නබිතුමාගේ ඉගැන්වීමට පටහැනි ය. නබිතුමා පවසා ඇත්තේ උඩු රවුල කොටට කපා යටි රැවුල වවන ලෙසය 

පිරිමියෙකු සහ කාන්තාවක් වෙන්කොට හඳුනාගැනීමට ඇති මුලික ලක්ෂණයක් වන්නේ රැවුලයි. මෙය දෙවියන් ඇති කළ වෙනසකි. සිංහයෙකුගේ අලංකාරය උගේ ලොම් වලින් විදහා දක්වන ආකාරයටම පිරිමියෙකුගේ ගාම්බිරත්වය රැවුල මගින් පෙන්නුම් කරන්නේය. දෙවියන්ගේ මැවීමක් හේතුවක් නොමැතිව වෙනස් කිරීම ඉස්ලාම් දහම අනුව වරදකි. මේ නිසා පිරිමින් රැවුල ඉවත්කොට ගැහැණියකගේ වේශයෙන් පෙනී සිටීම ඉස්ලාම් අනුමත කරන්නේ නැත. 

මුස්ලිම්වරයෙකු නබිතුමාගේ මග පෙන්වීම අනුගමනය කිරීම නිසා දෙවියන්ට වඩාත් සමීප විය හැකිය. නබිතුමාගේ අණට පිටුපෑම වරදක් වන්නේය. අල්-කුර්ආනයට අනුව දෙවියන්ට ඇලුම් කරන තැනැත්තා නබිතුමව අනුගමනය කළ යුතුය. එවිට දෙවියන් එම තැනත්තාට ඇලුම් කරන කරන්නේය. මේ අනුව මුස්ලිම්වරයෙකු සමාජයට බිය වී නබිතුමාගේ මග පෙන්වීමෙන් ඉවත් නොවිය යුතුය. 

රැවුල වැවීම ගැන අබු හුරෛරා රලි තුමා පවසන හදිසයක් පහත සඳහන් වේ. 

“අබු හුරෛරා රලි තුමා නබිතුමාගේ හදිසයක් මෙලෙස දැනුම් දෙයි: උඩු රැවුල කොටට කපනු (trim short), යටි රැවුල වවනු, එසේ කිරීමෙන් මජුසි වරුන්ට එරෙහිව ක්‍රියා කරනු” (සහිහ් මුස්ලිම් 501).

ඉහත හදිසයේ දැක්වෙන්නේ නබිතුමාගේ නියෝගයකි. මෙම හදිසය සහිහ් බුහාරි ග්‍රන්ථයේ දැක්වෙන්නේද  නබිතුමාගේ අණ කිරීමක් ලෙසය. එබැවින් එය අනුගමනය කිරීම මුස්ලිම්වරුන්ට අනිවාර්ය වේ. රැවුල වැවීම මුස්ලිම්වරුන්ගේ අනන්‍යතාවය ද වේ. 

රැවුල වැවීම නබිතුමාගේ ප්‍රධාන මග පෙන්වීමක් වන අතර එය නබිතුමාගෙන් පසු පත්වුණු කලීෆා වරුන්ගේද අනුගමනය කොට ඇත. කිසිම අවස්ථාවකදී නබිතුමා යටි රැවුල කොට කළ බවට හදිසකක් නැත. එහෙත් අබ්දුල්ලා ඉබ්නු උමර් රලි තුමා ඔහුගේ රැවුල හජ් සහ උම්රා වලින් පසු අත්මිටකට සිමා කොට කැපු බව පැවසෙන්නේය. එහෙත් එසේ කිරීම අබ්දුල්ලා ඉබ්නු උමර් රලි තුමාගේ පෞද්ගලික ඉජිතිහාදයකි. 

By Fasy Ajward.B.Sc(Sp.Phy)Hons.Japura,

Ex: Research officer at Ceylon Institute of Scientific and Industrial Research.
https://www.facebook.com/thetruepathofislam
http://truepath1.blogspot.com/
Twiter:- thetrue_path