ඩාවින්ගේ වාදය ප්‍රතික්ෂේප කළ යුත්තේ ඇයි? (Why should Darwin's theory be rejected?)
ජීවයේ බිහිවීම පමණක් නොව විශ්වයේ බිහිවීම ගැනත් විද්‍යාඥයින් විසින් නිශ්චිත යමක් මෙතෙක් සොයාගෙන නැත. මේ හේතුවෙන් විශ්වයේ බිහිවීම සහ ජීවීන්ගේ පැවැත්ම ගැන ඇත්තේ නොයෙකුත් වාදයන් පමණි. කෙසේ වෙතත් වර්ෂ 1859 දී පමණ චාල්ස් ඩාවින් විසින් සිදුකල නිරීක්ෂණ පදනම් කරගෙන සත්ව පරිනාමය පිලිබඳ වාදයක් ඉදිරිපත් කොට තිබේ. එහෙත් එම වාදයේ ඇති විද්‍යාත්මක පදනම දුර්වල අඩියක පැවතීම හේතුවෙන් අදටත් එය විද්‍යාත්මක නියමයක් ලෙස පිළිගන්නේ නැත. ඩාවින් ඔහුගේ පරිනාම වාදය ඉදිරිපත් කලත් ඔහු විසින්ම එහි ඇති අඩු පාඩු මෙලෙස විස්තර කොට තිබේ. "පරම්පරා ගණනාවක් ඔස්සේ පැවතීගෙන එන යම් ජීවී කුලකයක් වෙනත් ජීවී වර්ගයකට ඉතා සියුම් ලෙස පරිණාමනය වන්නේනම් අපට ඒවා අතරතුර සංක්‍රාන්ති අවස්ථාවන් අපිරිමිත ලෙස දැක ගත හැකි විය යුතුය. එහෙත් අද අපි දකින ව්‍යාකූලතාවයක් නොමැති නිශ්චිත රූපයක් සහිත සත්ව කුලයන් ඒ ඒ වර්ගයාට ආවේණික ලක්ෂණ සමඟ දැකිය හැකිය. එහෙත් මගේ වාදය අනුව අනන්ත සංඛ්‍යවක් අතරමැදි අවස්ථාවල සත්වයන්ගේ පොසිල හමු වී තිබිය යුතුය. එහෙත් මෙම මිහිතලය තුළ එවැනි පොසිල කිසිවක් හමුවී නොමැත.....පොළෝ තලයේ සෑම ස්ථරයකින්ම මෙවන් විශාල අතරමැදි අවස්ථා නොදැකීම මගේ වාදයේ ඇති අඩුවකි. ඇත්තෙන්ම කිසිම කැණීමකින් එවන් සම්බන්ධතාවයන් අනාවරණය කරගැනීමට මෙතෙක් හැකිවී නොමැත. ඇතැම්විට එම කරුණ මගේ වාදයට එල්ල විය හැකි බලවත්ම විරෝධතාවය විය හැකිය" (Charles Darwin, The Origin of Species, pp. 172, 280)
මෙම කරුණ හැරුණු විට ඩාවින්ගේ වාදයෙන් මිහිතලය මත මුල්ම ජිවය ඇතිවූ අන්දම විස්තර කරන්නේ නැත. එය ඩාවින්ගේ වාදයෙහි ඇති තවත් දුර්වලතාවයකි.
ඩාවින්ගේ වාදයේ ඇති තවත් දුර්වලතාවයක් වන්නේ මිනිසාට සෙසු ජිවින්ට නොමැති සුවිශේෂී බුද්ධියක් ලැබීමට හේතුව විස්තර කිරීමට නොහැකි වීමයි. මෙම කරුණ සම්බන්දයෙන් ඩාවින් පවසන්නේ මිනිස් බුද්ධිය ඉබේ ඇතිවූ දෙයක් බවයි. කෙසේ වෙතත් එම ප්‍රකාශනය නවීන විද්‍යාත්මක සොයාගැනීම් වලින් බැහැර කරන්නේය.
හාවර්ඩ් විශ්වවිද්‍යාලයේ මාර්ක් හවුසර් සිදු කල පර්යේෂණ වලට අනුව මිනිසාට සෙසු ජීවීන්ට නොමැති කල්පනා කිරීමේ ශක්තියක් ලැබී තිබේ. එහෙත් ඊට හේතුව මෙතෙක් සොයාගෙන නැත. මේ සම්බන්දයෙන් ඇමරිකාවේ පලවන විද්‍යාත්ම සඟරාවක් වන "Scientific American Magazine" හි සඳහන් වේ. මාර්ක් හවුසර් පවසන ආකාරයට මිනිසා සෙසු ජීවින්ගෙන් වෙනස් වීමට පහත දැක්වෙන කරුණු බලපාන්නේය.
- මිනිසාට වෙන කිසිම ජීවියෙකුට වඩා බොහෝ වචන සහ සංකල්ප ජනනය කල හැකි ය.
- මිනිසාට විවිධ අදහස් සහ සංකල්ප මිශ්‍ර කොට අළුත් නිර්මාණයන් කළ හැකි ය.
- මිනිසාට මිත්‍රත්වයන්, සමාජ ආශ්‍රයන්, නීති රීති, තාක්ෂනවේදයන් වැනි දේවල් සිදු කිරීමට හැකි ය.
- මිනිසාට සංවේදනිය සිද්ධීන් මනසින් තේරුම් ගැනීමට කැකියාවක් තිබේ. තවද එම කරුණු භාෂාවන් මගින් සන්නිවේදනය කිරීමට හැකිය. තවද මිනිසාට එම දේවල් තමන් තුලම රඳවා ගැනීමට හෝ වෙනත් කෙනෙකු සමග බෙදා ගැනීමට ද හැකිය.
ඩාවින්ගේ වාදයට තවත් මරු පහරක් වන්නේ නවීන විද්‍යාව අනුව එක් ජීවී කුලකයකින් ඊට වඩා වෙනස් ජීවී කුලකයකට පත් නොවන බව සොයා ගැනීමයි. එහෙත් ඩාවින්ගේ වාදයෙන් එවැනි දෙයක් සිදුවිය හැකි බව අනුමාන කොට තිබේ.
තවද විද්‍යාඥයින්ගේ මතය අනුව DNA හෙලික්සයක් ඕනෑම ආකාරයකට වෙනස් කල නොහැකිය. එහෙත් ඒවායේ සුළු වෙනස්කම් පමණක් සිදු කල හැකි වේ. උදාහරණයක් වශයෙන් සුනඛයෙකුගේ DNA වලින් බළලෙකු බිහිකළ නොහැකිය. එහෙත් සුනඛයෙකුගේ DNA වලින් විශේෂ ලක්ෂණ ඇති තවත් සුනඛයෙක් බිහි කල හැකිය. එසේම DNA වල සිදුකරනු ලබන සුවිශේෂි වෙනස්කම් වලින් මල්, පළතුරු සහ එළවළුවල සිමා සහිත වෙනස්කම් පමණක් සිදුකළ හැකි ය.
පරිනාම වාදයට තවත් පහරක් වන්නේ අප්‍රිකාවෙන් හමුවී ඇති ඉපැරණි මිනිස් හිස් කබලකි. එය වර්තමානයේ ජිවත්වන මිනිසාගේ හිස්කබලට ඉතාමත්ම සමානය. එම සොයාගැනීම අනුව ඩාවින්ගේ වාදය තවදුරටත් ප්‍රතික්ෂේප වේ.
දැනට සොයාගෙන ඇති අතිවිශාල පොසිල වලින් ඩාවින්ගේ වාදය සනාත කල හැකි තත්වයක් උදා වන්නේ නැත. එබැවින් ඩාවින්ගේ වාදය නවීන ලෝකය පිළිනොගන්නා තත්වයක් උදාවී තිබේ. කෙසේ වෙතත් ඇතැම් අය එම වාදය පිළිගන්නේ ඔවුන් මැවුම් වාදය පිලි නොගන්නා නිසාය.
දේව විශ්වාසය අනුව විශ්වය සහ එහි වෙසෙන ජීවින් සියල්ලම දෙවියන් විසින් මවා තිබේ. එපමණක් නොව එම ජිවින්ට අවශ්‍ය අහාර ඇතුළු අනෙකුත් සියලුම දේවල් මවා තිබෙන්නේද දෙවියන් විසින්ම ය. දෙවියන්ගේ සැලසුම අනුව මිනිසා සෙසු ජීවින්ගෙන් වෙනස් වේ. ඒ අනුව මිනිසාට සුවිශේෂි වගකීමක් පැවරෙන්නේය. තවද මිනිසා ඔහු කරන කියන සෑම දෙයකටම දෙවියන් ඉදිරියේ වගකිව යුතුව තිබේ.
මුල්ම මිනිසා වන ආදම් තුමාගේ පටන් මිනිසාට ආගමක් පහළ කොට තිබේ. එම ආගම දෙසීම සඳහා විශේෂ නියෝජිතවරුන් සිය දහසකට වඩා මෙලොවට පැමිණියේය. එසේ පැමිණි වසාන වක්තෘවරයා මුහම්මද් නබි තුමාය. ඔහුට පහළ වූ අල් කුරානයත් සමග දහම් පණිවිඩ අවසානයක් කරා පැමිණියේය.
මුහම්මද් නබි තුමාට කලින් බයිබලය රැගෙන ජේසු තුමාද ඔහුටත් කලින් තව්රාත් ආගම නොහොත් බයිබලයේ පැරණි ගිවිසුම රැගෙන මුසා නබි තුමාද මෙලොවට පැමිණියේය. අල් කුරානයට අනුව එම නබිවරුන් සියලු දෙනාම දේශනා කලේ අල්ලාහ් එකියත්වයයි.
ලොව ඇති සෑම ප්‍රධාන ආගමකම පවසා තිබෙන්නේ මුල්ම මිනිසා ආදම් තුමා බවයි. මිනිස් ශරීරය පසෙන් නිර්මාණය කල බවත් මරණයෙන් පසු මිනිස් ශරීරය නැවත පසට එකතුවන බවත් කුරානයේ දැක්වේ. මිනිසාගේ මැවීම ගැන කුරානය මෙසේ පවසයි. "මිනිසාගේ මැවීම කිරිමැටියෙන් ආරම්භ කළේය. පසුව ඔහුව නිසියාකාරව සකසා ප්‍රානය එහි පිම්බේය. පසුව, අල්ප වූ ශුක්‍රානු බින්දුවෙහි සිට ඔහුගේ පෙළපත නිර්මාණය කළේය. තවද, නුඹලාට ශ්‍රවන ඉන්ද්‍රියද, දෘෂ්ටියද, හදවතද ඇති කළේය" (කුරානය 32:7-9).
කුරානයට අනුව මරණයත් සමග මිනිස් ජීවිතය කෙළවර වන්නේ නැත. ඒ අනුව මිනිසා මෙලොවදී ක්‍රියා කල අකාරය අනුව ස්වර්ගය හෝ නිරය ලැබීමට නියමිතය. එම ස්වර්ගය ලැබීමට නම් මිනිසා ජිවත් විය යුත්තේ දෙවියන් පෙන්වා දී ඇති යහ මාර්ගය ඔස්සේය.
By Fasy Ajward.B.Sc(physics Special) Hons.Japura,
Ex: Research officer at Ceylon Institute of Scientific and Industrial Research.
Actually apes are our cousins not actually ancestors.
ReplyDeletei think some ape like people you mean.
ReplyDelete