සහරාන් මරාගෙන මැරෙන බෝම්බය පුපුරවා ගත්තේ කන්‍යාවන් 72ක් වෙනුවෙන්ද? (Did Saharan detonate suicide bomb for 72 virgins?)

ඉස්ලාම් දහමින් මිනිස් ජිවිතයට ඉහලම වටිනාකම ලබා දී තිබේ. ඒ අනුව කිසිම කේතුවක් නිසාවත් තමන්  විසින්ම තම ජීවිතය විනාශ කර ගැනීමට ඉස්ලාම් දහම අනුව හැකියාවක් නැත. බොහෝ කුර්ආන් වැකි වලින් එම කරුණ තහවුරු කොට තිබේ. නබිතුමාගේ වදන් අනුව ද හේතු කාරණා නොමැතිව මිනිස් ඝාතනයක් සිදු කලේ නම් ඔහු නිරයට යන බව සඳහන් කොට තිබේ. මෙම කුර්ආන් වැකියෙන් මිනිස් ජිවිතයේ ඇති වටිනාම මනාවට පැහැදිලි කොට තිබේ. "නියතව කවරෙක් ඝාතනය කිරීම නිසා හෝ පොළොවෙහි කළහ ඇති කළ නිසා හෝ හැර තවත් කෙනෙකු ඝාතනය කරයිද ඔහු මුළු මිනිස් සමුහයාවම ඝාතනය කළ කෙනාට සමාන වන්නේ යැයිද කවරෙක් එය ජිවත් කරවන්නේද ඔහු මුළු මිනිස්වර්ගයාවම ජිවත් කරවූ කෙනා සේ වන්නේයැයි ද ඉස්රායිල් දරුවන්ට අපි දැනුම් දුන්නෙමු" (කුරානය 5:32). මෙතරම් හොඳින් මිනිස් ජිවිතයේ වටිනාකම පැහැදිලි කොට තිබියදී කිතුනුවන්ගේ වැදගත් උත්සව දිනයකදී ඔවුන්ගේ දේවස්ථානයක් එල්ල කරමින් ම්ලේජ්ජ බෝම්බ ප්‍රහාරයක් එල්ල කරන්නේ කෙසේද? මෙතරම් පිළිකුල් සහගත ක්‍රියාවක් ඉස්ලාම් දහමින් කිසිසේත්ම අනුමත කරන්නේ නැත.

කෙසේ වෙතත් කිසිම සොයා බැලීමකින් තොරව ජන මාධ්‍ය වලින් ප්‍රචාරය කලේ ස්වර්ගයේ කන්‍යාවියන් 72 ක් ලබා ගැනීම සඳහා සහරාන් විසින් එම බෝම්බ ප්‍රහාරය සිදු කල බවයි. ඇත්ත වශයෙන්ම එය කනගාටු දායක තත්වයකි.

ත්‍රස්තවාදය කව්රු කලත් ඉන් සිදු වන්නේ අහිංසක මිනිසුන්ගේ ජිවිත විනාශ වීම පමණි. ඉන් කිසිම යුක්තියක් ඉටු වන්නේ නැත. ඒ අනුව කුරානය තුල ත්‍රස්තවාදය ගැන කිසිම සඳහනක් දැකිය නොහැක. කෙසේ වෙතත් නවීන ලෝකය තුල ත්‍රස්තවාදය බිහි වන්නේ බටහිර ජාතින් කරන අසාධාරණයට එරෙහිව සටන් කිරීම සඳහාය. ඇත්ත වශයෙන්ම එය සිදු විය යුත්තේ පවතින රජයන් විසින් ය. එවිට එය ත්‍රස්තවාදී මුහුණුවරක් නොගෙන යුද්ධයක අකාරය ගනු ඇත.

ඌරෙක් මල් වත්තකට දැම්මොත් ඌ සොයන්නේ එහි ඇති අසුචි මිස වෙන දෙයක් නොවේ. ඌට එහි ඇති අලංකාරයෙන් කිසිම වැඩක් නැත. එසේම ඇතැම් ජන මාධ්‍යවලට අවශ්‍යව තිබෙන්නේ ඉස්ලාම් දහම ගැන හොඳ නොව එහි සාමාජිකයින් කරන වැරදි පමණි. ඒවා ප්‍රචාරය කොට විශාල ලෙස මුදල් ඉපයීම ඔවුන්ගේ එකම අරමුණ වේ. 

2019 අප්‍රේල් 21 දින සහරාන් විසින් මරාගෙන මැරෙන බෝම්බ ප්‍රහාරයක් එල්ල කලේ නම් එය ඔහුගේ වරදක් මිස ඉස්ලාම් දහමේ වරදක් නොවේ. ඒ අනුව එවැනි පුද්ගලික දෙයක් ඉස්ලාම් දහමේ ගිණුමට බැර කිරීම විශාල වරදකි. ඉස්ලාම් දහම අනුව එවැනි වරදකට දඬුවම නිරය වේ. එසේ තිබියදී ඇතැම් ජන මාධ්‍ය වලින් පුන පුනා ප්‍රචාරය කලේ සහරාන් ස්වර්ගයේ කන්‍යාවන් 72 ක් ලබා ගැනීම වෙනුවෙන් එම බෝම්බය පුපුරුවා ගත් බවයි.

එදා කිසිම වගකිව යුතු පුද්ගලයෙකු මුස්ලිම් ප්‍රජාවට සිදුවුණු අසාධාරණය වෙනුවෙන් නැගී සිටියේ නැත. එහි ප්‍රතිපලයක් ලෙස සමස්ත මුස්ලිම් ප්‍රජාවම විශාල පීඩනයකට සහ අසාධාරණයකට මුහුණ දුන්නෝය. එපමණක් නොව මුස්ලිම් දේවස්ථාන තුලට සුනකයින් රැගත් හමුදා බටයින් සිය පාවහන් සමග සෝදිසි මෙහෙයුම් සිදු කළේය. ඇත්ත වශයෙන්ම වගකිව යුතු නිලධාරීන් සහ රජයේ මැති ඇමති වරුන් ඊට නිසි පියවර ගෙන තිබුනේ නම් එම ම්ලේජ්ජ බෝම්බ ප්‍රහාරයේ වගකීම සමස්ත මුස්ලිම් ප්‍රජාව වෙත තල්ලු නොවීමට වග බලාගත හැකිව තිබුනේය. 

By Fasy Ajward.B.Sc(Phy.Sp)Hons.Japura,

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam

http://truepath1.blogspot.com/

Twitter:-thetrue_path