ජීවිතයේ අරමුණ කුමක්ද? (What is the purpose of life?)

බොහෝ අය මේ ලෝකයේ ඉපදුන නිසා ජිවත් වනවා මිස ජිවිතයේ නියම අරමුණ දැනගෙන ජිවත් වන්නේ නැත. මේ හේතුවෙන් ඔවුන් භෞතික දේවල් වලට පමණක් මුල් තැන ලබා දෙන අතර දෙවියන් නැතැයි තර්ක විතර්ක කරමින් කාලය කා දමන්නේය. ඔවුන්ට මරණයෙන් පසු ජිවිතයක් ගැන කිසිම විශ්වාසයක් නැත. මේ නිසා ඔවුන් දෙවියන් ගැන හෝ ආගමක් ගැන හෝ විශ්වාස කරන්නේ නැත. 

කිසිම දෙයක් ඉබේ ඇති වන්නේ නැති බව විශ්ව සත්‍යයකි. එහෙත් බොහෝ අය සිතන්නේ විශ්වය සහ එහි ඇති සියලුම දේවල් ඉබේ ඇතිවූ බවයි. ඔවුන් එසේ පැවසුවත් එය සනාත කිරීම සඳහා ඔවුන් ළඟ කිසිම විද්‍යාත්මක පදනමක් නැත. කෙසේ වෙතත් දෙවියන්ගේ නියෝජිතයින් වන නබිවරුන් ඔවුන් පවසන දේවල් සත්‍යය දේවල් බව පෙන්වීම සඳහා බොහෝ හාස්කම් පෙන්වා තිබේ. උදාහරණයක් ලෙස ජේසු තුමා විසින් මළවුන්ට පනදී නැවත නැගිටුවා තිබේ. එසේම ඔහු උපතින්ම අන්ද වූ අයට පෙනුම ලබා දී ඇත. අනෙකුත් නබිවරුනන්ද මෙලෙසම ප්‍රාතිහාරයන් පා තිබේ. අල් කුරානය අද මිනිසා අතර දැකිය හැකි එකම ප්‍රාතිහාරය වේ. 

ඇත්ත වශයෙන්ම සත්ව ලෝකය තුල ජිවත් වන මිනිසා සුවිශේෂී මැවීමකි. මිනිසාට නොයෙකුත් භාෂාවන් කතා කල හැකිය. කිසිම ජීවියෙකුට නොදෙවෙනි බුද්ධියක් පිහිටා තිබේ. තවද කෑම උයාගෙන කන්නේ මිනිසා පමණි. එපමනක් නොව වැඩියෙන්ම ලජ්ජා ශීලි බව ඇත්තේ මිනිසා ළඟය. මේ හේතුවෙන් සත්ව ලෝකයේ ඇඳුම් අඳින එකම ජීවියා මිනිසාය. මේ හැරුණු විට ලෝකයේ සිටින ජීවින් අතරින් ආගමක් අදහන එකම ජීවියා මිනිසාය. 

ඇත්ත වශයෙන්ම මිනිස් ජිවිතයේ අරමුණ දන්නේ මිනිසාව මැවූ දෙවියන්ම පමණි. ඔහු හේතුවක් නොමැතිව මිනිසාව මැව්වේ නැත. ඒ අනුව දෙවියන් පහළ කල සෑම ආගම් පුස්තකයකම මිනිස් ජිවිතයේ අරමුණ විස්තර කොට තිබේ. මේ සඳහා දෙවියන් විසින් තෝරාගනු ලැබූ නබි වරුන් හෙවත් විශේෂ දුතයන් සිය දහසකට වඩා මෙලොවට පහළ විය. මුහම්මද් නබි තුමා එසේ පැමිණි අවසාන නබිවරයා ය. එසේම අල් කුරානය ලෝක වාසි ජනතාවට නිවැරදි දහම් මග පෙන්වීම සඳහා පහළ වූ ආගම් පුස්තකය වේ. මුහම්මද් නබි තුමා මෙලොවට පහළ වූ අවසාන නබි වරයාය. මේ නිසා ඔහුගෙන් පසු තවත් නබිවරයෙක් පහල වන්නේ නැත. මොහු ගැන දෙවියන් පහළ කල සෑම දහම් පණිවිඩයකම අනාවැකි පහළ කොට තිබේ. ඒ බව අදටත් දැක ගත හැකිය. 

අල් කුරානයට අනුව මිනිසාව මවා තිබෙන්නේ දෙවියන්ව හොඳින් තේරුම් ගෙන ඔහුට පමණක් නැමදීම පිණිසය. එසේ කිරීමේදී නොයෙකුත් ප්‍රශ්න වලට මුහුණ දීමට සිදුවේ. කෙසේ වෙතත් බොහෝ අය තම අතින්ම දේව රූප සාදාගෙන ඒවාට වැඳුම් පිදුම් කරන්නේය. එම දේව රූපවලින් කිසිවෙකුගේ කන්නලව් වලට අනුම්කන් දිය නොහැකි බව තේරුම් නොගැනීම පුදුමයකි!

සෑම ආත්මයකටම ඊට සරිලන කුලිය ලැබෙන්නේ මරණයෙන් පසුවය. එය සිදු වන්නේ දෙවියන් විසින් සිදුකරනු ලබන විනිශ්චයකින් පසුවය. එම විනිශ්ච සඳහා මෙලොව ඉපදිනු සෑම ආත්මයක්ම එක්රැස් කරනු ලැබේ. මරණයෙන් පසු කෙනෙකුගෙන් කෙනෙකුට උදව් කළ නොහැකිය. ඒ අනුව තම තමන් රැගෙන පැමිණි දේවල් සඳහා තම තමන්ම වග කිව යුතුය. 

දෙවියන්ගේ ඒකීයත්වය විශ්වාස කොට ඔහුට පමණක් නැමදුම් කල සිසලු දෙනාටම ස්වර්ගය ලැබීමට නියමිතය. එහෙත් දෙවියන්ව විශ්වාස නොකළ අයට මෙන්ම ඔහුට සමානයන් තැබූ සියලු දෙනාට හිමි වන්නේ නරකාදිය වේ. 

By Fasy Ajward,B.Sc(Special)Hons.

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam

http://truepath1.blogspot.com/

Twiter:- thetrue_path