පිරිසිදුකම පිලිබඳ ඉස්ලාමිය මග පෙන්වීම (Islamic guidance on cleanliness)
ඉස්ලාම් දහම පිරිසිදුකම කෙරෙහි විශේෂ අවධානයක් යොමු කරන්නේය. එය ශාරීරික මෙන්ම අධ්‍යාත්මික වශයෙන්ද තිබිය යුතුය. අල් කුරානයේ මෙසේ සඳහන් වේ. "...නියත වශයෙන්ම අල්ලාහ් සමාව අයදින්නන්ව ප්‍රිය කරයි. තවද පිරිසිදුවන්තයින්වද ප්‍රිය කරයි" (කුරානය 2:222). නබි වදන් වලින්ද පිරිසිදු කම කෙරෙහි අවධාරණය කොට තිබේ.
මුස්ලිම්වරුන්ට සලාතය ඉටු කිරීමට පෙර වුළු කිරීම අනිවාර්ය වේ. වුළු යනු මුහුණ සහ වැලමිට ඇතුළු අත්පා ජලයෙන් සේදීම සහ හිසකෙස් ජලයෙන් පිරිමැදීම වේ. සෑම මුස්ලිම්වරයෙකුම සලාතය ඉටු කිරීම සඳහා දෛනිකව අවම තරමින් පස් වතාවක් වුළු කරන්නේය. එයට අධ්‍යාත්මික වටිනාකමක් ද තිබේ. ඒ අනුව වුළු කිරීමෙන් පිරිසිදු කමට අමතරව කුසල් ද ලැබේ. කාන්තාවන්ගේ මාස් ශුද්ධිය අවසාන වීමෙන් පසුද දරු ප්‍රසුතියෙන් පසු ද සලාතය ඉටු කිරීම සඳහා ස්නානය කිරීම අනිවාර්ය වේ. තවද අඹු සැමියන් සංසර්ගයේ යෙදීමෙන් පසු ස්නානය කල යුතුය. මේවා පිළිපැදීම සෞඛ්‍ය සම්පන්න ජිවිතයකට මග පාදන්නේය.
ඉහත සඳහන් කරුණු වලට අමතරව පිරිමි දරුවන් සඳහා චාර්මජ්ජේදනය සිදු කරනු ලැබේ. එය මුත්‍රාෂය සම්බන්ද රෝග වලක්වා ගැනීමට උපකාරී වන බව වෛද්‍යවරුන් ද පවසා තිබේ. එබැවින් මුත්‍රා අසාදන ඇතිවූ විට මුස්ලිම් නොවන අයත් චර්මජ්ජේදනය සිදු කර ගනිති. චර්මජ්ජේදනය කිරීමෙන් පසු ලිංගය ජලයෙන් පිරිසිදු කිරීම පහසු වේ. එමගින් පෙර සම තුල රැඳෙන කුණු සහ විසබීජ ඉවත් කර ගැනීමට පහසු වේ.
ඉස්ලාම් දහමි අනුව මුත්‍රා අපිරිසිදු දෙයකි. එබැවින් මුත්‍රා තැවරුණු වස්ත්‍ර සමග කරන නැමදීම බල රහිත වන්නේය. ඇතැම් අය නියපොතු වවන්නේය. එහෙත් ඉස්ලාම් දහම අනුව නියපොතු කැපිය යුතුය. තවද උඩු රැවුල කොටට කැපීමත් කිහිල්ලේ සහ රහසිගත ප්‍රදේශවල ඇති රෝම ඉවත් කිරීමත් සිදු කල යුතුය.
By Fasy Ajward.B.Sc (Sp.Phy) Hons.Jpura,
Ex: Research officer at Ceylon Institute of Scientific and Industrial Research.
http://truepath1.blogspot.com/
Twitter:- thetrue_path
Comments
Post a Comment