කුරානයේ ඇති විශේෂත්වය කුමක්ද? (What is special about the Quran?)
අල් කුරානය මිනිසා විසින් රචනා කරන ලද ග්‍රන්ථයක් නොවීම එහි ඇති විශේෂත්වය වේ. ඒ අනුව එය අල්ලාහ් දෙවිඳුන් විසින් මිනිසාට යහ මග පෙන්වීම සඳහා පහළ කරන ලද්දකි. කුරානය මිනිස් නිර්මාණයක් නොවීම හේතුවන් එය ලොව තිබෙන අනෙක් ග්‍රන්ථවලට වඩා අතිශයින්ම වෙනස් ස්වරුපයක් උසුලන්නේය. තවද එම ග්‍රන්ථය 7 වන සිය වසේදී පහළ වුවද 20 වන සිය වසට අයත් විද්‍යාත්මක සංසිද්ධීන් ඇතුලත් වීම බොහෝ දෙනාගේ මවිතයට හේතුවකි. එපමණක් නොව කුරානය පහලවූ දා පටන් අද වන තුරු ගත වූ වසර 1500ක තරම් කාලය තුල කිසිම වෙනසකට භාජනය නොවී ආරක්ෂා වී තිබීමද එහි ඇති හාස්කමකි. ඒ අනුව කිසිම වෙනසකට ලක් නොවී ආරක්ෂා වී තිබෙන එකම ආගමික ග්‍රන්ථය අල් කුරානයයි.
අල් කුරානය ඉස්ලාම් දහම සම්පුර්න කරමින් අල්ලාහ්ගෙන් පහළ කරන ලද අවසාන දේව පණිවිඩය වේ. ඒ අනුව කුරානය මගින් ඊට පෙර පහල කරන ලද ඉන්ජිල් හෙවත් බයිබලයේ ඇතැම් කරුණු ද තව්රාත් හෙවත් බයිබලයේ පැරණි ගිවිසුමේ ඇතැම් කරුණුද නැවත නැවත ගෙන හැර දක්වා ඇත. මේ හේතුවෙන් මුහම්මද් නබි තුමාට පෙර පැවති ආගම් අදහන අයට එහි නිවැරදි තාවය පහසුවෙන් දැනගත හැකි ය.
කුරානයේ භාෂාව කිසිවෙකුට අනුකරණය කළ නොහැකි අද්විතීය ගුණාංගයකින් යුක්තය. එය මුහම්මද් නබි තුමා විසින් ඉදිරිපත් කරනු ලැබුවත් එහි ඇති භාෂා විලාශය මුහම්මද් නබි තුමා එදිනෙදා කතා කරන භාෂාව නොවේ. තවද එවැනි ග්‍රන්ථයක් එදා මෙදා ජීවත්වූ කිසිවෙකුට මෙතෙක් නිර්මාණය කිරීමට හැකිවී නැත. ඊට හේතුව කුරානයේ ඇති වාග් චතුරත්වය අතිවිශිෂ්ට වීමයි. මේ හේතුවෙන් අල් කුරානය මිහිපිට පවතින අති උත්කෘෂ්ට සාහිත්‍ය ග්‍රන්ථය ලෙස සැලකේ.
කුරානය පිටු 600 කින් පමණ සමන්විත වාඛ්‍යයන් 6666 කින් යුක්ත ග්‍රන්ථයකි. එසේ තිබියදී එහි විශේෂත්වය වන්නේ එම ග්‍රන්ථය අකුරන් නෑර සම්පුර්ණයෙන්ම කටපාඩම් කල හාෆිස්වරුන් මිලියනයකට වඩා ලොව පුරා දැක ගත හැකි වීමයි. එහෙත් කුරානය හැර එවැනි ප්‍රමාණයේ වෙන කිසිම ග්‍රන්ථයක් අකුරක් නෑර කටපාඩම් කල කිසිවෙකු නැති තරම්ය.
කුරානයේ ඇති තවත් විශේෂත්වයක් වන්නේ එහි ඇති කිසිම කරුණක් කාලයත් සමග අභාවයට පත් නොවීමය. එහෙත් කුරානය හැර අන් සෑම ග්‍රන්ථයක්ම කාලයත් සමග වෙනස්කම් වලට භාජනය වී තිබේ. එසේත් නැත්නම් ඒවා භාවිතයෙන්ම ඉවත් වී තිබේ. එහෙත් අල් කුරානයේ ඇති විශේෂත්වය නම් දෛනිකව වැඩියෙන්ම පරිහරණය වන ග්‍රන්ථය බවට එය පත් වීමයි.
අල් කුරානය එක් ජන කොට්ටාසයකට පමණක් අයත් ග්‍රන්ථයක් නොවේ. එය මිනිසාගේ මැවුම්කරු වන අල්ලාහ්ගෙන් මිනිස් වර්ගයා වෙනුවෙන් යහ මග පෙන්වීම සඳහා පහළ කරන ලද්දකි. ඒ අනුව අල්ලාහ්ව විශ්වාස කරමින් යහ මග සොයා යන සෑම කෙනෙකුටම කුරානය මගින් ස්වර්ගයට මග පෙන්වන්නේය. වෙනත් ආකාරයකින් කිවහොත් මිනිසාව (අධ්‍යාත්මික) අදුරේ සිට ආලෝකය කරා ගෙන යන ග්‍රන්ථයකි. එය හැදෑරීම මිනිසාගේ වගකීමකි.
By Fasy Ajward.B.Sc(Special)Hons.
Ex: Research officer at Ceylon Institute of Scientific and Industrial Research.
Comments
Post a Comment