ආහාරය පිණිස සතුන් මැරීම පවක්ද? (Is it wrong to kill animals for food?)

ජීවීන්ගේ ආහාර දාමයන් ගැන සැලකීමේදී පෙනී යන වැදගත් කරුණක් වන්නේ මිනිසා හැර අනෙක් සතුන් එකෙකුට තව එකෙක් ගොදුරක් වීමයි. ඒ අතර ඇතැම් සතුන් ශාක පමණක් ආහාරයට ගන්නේය. එසේම ඇතැම් ජීවින් මාංශ පමණක් ආහාරයට ගන්නේය. මෙය දෙවියන්ගේ නියමය අනුව සිදුවන ක්‍රියාවලියකි. එය කිසිවෙකුටත් වෙනස් කල නොහැකිය. එසේ තිබියදී මිනිසා පමණක් මාංශ අනුභවයෙන් වැලකී සිටීම විහිළුවකි. ඇයිද යත් මිනිසාගේ දත් සැකසී තිබෙන්නේ ද මාංශ බක්ෂක සතුන්ට මෙන් උල් දත් සමග වීමයි. ඇත්තෙන්ම එය ලෝකය මවා පාලනය කරන්නාවූ දෙවියන්ගේ සැලැස්මකි. මේ නිසා දෙවියන් පහළ කරන ලද කිසිම ආගමකින් සත්ව ආහාර තහනම් කර නොමැත. එසේ තිබියදී ප්‍රාණය ගැන සිතා මිනිසා විසින්ම මිනිසාට මාංශ අනුභව කිරීම තහනම් කර ගන්නේ නම් කිසිම සත්වයෙක් ඝාතනය කිරීමෙන් වැලකි සිටිය යුතුය. එහෙත් බොහෝ අය ගවයාට පමණක් විශේෂ කොට සලකන්නේය. ඒ අනුව ඇතැම් අවස්ථාවලදී ගවයා වෙනුවෙන් මිනිනුන් ඝාතනය කරන අවස්ථා දැක ගත හැකිය. විශේෂයෙන්ම එය ඉන්දියාවේ දී බහුලව සිදු වන්නේය. ඇත්ත වශයෙන්ම එය ඉතා බොළඳ ක්‍රියාවකි.

යම් කිසි කෙනෙක් මාංශ අනුභව කිරීම පවක් ලෙස සලකන්නේ නම් ගස්කොලන් විරල කාන්තාර වල වෙසෙන ජනතාවට විශාල අසීරුතාවයන්ට මුහුණ පෑමට සිදු වන්නේය. එසේම ගස් කොළන් නොමැති අයිස්ලන්තය වැනි රටවල්වල වෙසෙන මිනිසුන්ට නිරාහාරව මිය යාමට සිදු වනු ඇත. එපමනක් නොව ප්‍රාණ ඝාතනයට විරුද්ධ වන්නේ නම් ප්‍රති ජීවක ඖෂද ගැනීමෙන්ද වැලකි සිටිය යුතුය. එසේ නොකළ හොත් බොහෝ ක්ෂුද්‍ර ජීවීන් විනාශ වනු ඇත. එසේම ගොවිතැන් කිරීමේදී කෘෂි නාශක බෙහත් විදීමෙන් වැලකී සිටිය යුතුය. එපමනක් නොව මැලේරියා මදුරුවන් මෙන්ම බරවා මදුරුවන් වැනි මිනිස් ජිවිතයට හානිකර මදුරුවන් විනාශ කිරීමෙන්ද වැලකි සිටිය යුතුය.  එහෙත් ප්‍රාණ ඝාතනය පවක් ලෙස සලකන කිසිවෙකු ඉන් වැලකී සිටිනු දැකිය නොහැකිය. 

මිනිසා මාංශ ආහාරයට ගැනීමෙන් වැලකී සිටියහොත් නිරෝගී ජීවිතයක් පවත්වා ගැනීම සඳහා වන ඇමිනෝ අම්ල අම්ල සියල්ලම සපයා ගැනීමට හැකි වන්නේ නැත. එවැනි අම්ල වර්ග 20 ක් මිනිස් ජිවිතයේ යහ පැවැත්ම සඳහා අත්‍යාවශ්‍යවේ. එහෙත් මිනිස් සිරුර තුල නිෂ්පාදනය කල හැක්කේ ඉන් සමහරක් පමණි. ඉතිරි ඒවා ලබා ගත යුතු වන්නේ ඒවා බහුලව ඇති මාංශ ආහාර වලිනි. මේ නිසා මිනිසාගේ නිසි ශරීර වර්ධනය සඳහා මාංශ අහාර ගැනීම ඉතා වැදගත් සාදකයක් වේ. 

අහාර සැපයුම දෙස බලන කළ මිනිසාගේ ආහාර අවශ්‍යතාවලින් සැලකිය යුතු කොටසක් සපයන්නේ සත්ව ආහාර මගිනි. මේ නිසා සත්ව ආහාර නිෂ්පාදනය ලෝකෙය් ප්‍රධාන කර්මාන්තයක් බවට පත්ව තිබේ. විසි එක් වන සියවසේ දී පමණක් වසරකට සතුන් බිලියන 100 ක් එනම් සතුන් 100,000,000,000 පමණ ඝාතනය කොට ඇත. මේ අතර ගවයින් බිලියන එකක් සහ බැටළුවන්, ඌරන් සහ කුකුලන් බිලියන 50 පමණ වේ (Williams and DeMello 2007 p. 14). මෙතරම් විශාල අහාර අවශ්‍යතාවයක් වළක්වන්නේ නම් කී දෙනෙකුට නිරාහාරව මිය යාමට සිදු වන්නේද?

ගොඩබිම ජිවත් වන සතුන් හැරුණු විට, ගොඩබිම මෙන් තුන්ගුණයක් වන සාගරයෙන් මිනිසාගේ අහාර අවශ්‍යතා වලින් අති විශාල ප්‍රමානයක් සපයා ගන්නේය. ඒ අනුව ගෝලීය මාළු නිෂ්පාදනය 1999/2001 වසරවල දී ටොන් මිලියන 229 වූ අතර වසර 2050 වන විට එය ටොන් මිලියන 460 ක් දක්වා වර්ධනය වනු ඇතැයි ඇස්තමේන්තු කොට ඇත. (Livestock Long Shadow report, Food and Agriculture Organization (FAO) 2006). මේ අනුව බලන කල ආහාර පිණිස සතුන් මැරීමෙන් වැලකී සිටීම කල නොහැකි කරුණකි. 

By Fasy Ajward.B.Sc (Special) Hons.

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam

http://truepath1.blogspot.com/

Twiter:- thetrue_path