ඉස්ලාමීය ව්‍යාපාරික ආචාර ධර්ම (Islamic Business Ethics)

ඉස්ලාම් යනු සම්පුරණ ජීවන මාර්ගයකි. ඒ අනුව මුස්ලිම්වරයෙකු වෙළඳාම් කළ යුත්තේද ඉස්ලාම් දහමින් පෙන්වා දී ඇති රාමුව තුලය. මේ හේතුවෙන් මරණයෙන් පසු ජීවිතය විශ්වාස කරන නියම මුස්ලිම්වරයෙකු වෙළඳාම් කිරීමේදී බොරු කීම, වංචා කිරීම, රැවටීම ආදී වැරදි කිසිසේත්ම නොකළ යුතුය. කිරුම් මිනුම් සම්බන්දයෙන් සුහෙයිබ් නබි තුමා ඔහුගේ ජනයා අමතමින් මෙසේ අවවාද කොට තිබේ.

"මාගේ ජනයිනි! කිරුම් මිනුම් කටයුතු සාධාරණව ඉටු කරනු. මිනිසුන්ට (දිය යුතු) ඔවුන්ගේ වස්තුව අඩු නොකරනු. භූමියේ අපරාධ කරමින් සැරිසැරීම් නොකරනු" (කුරානය 11:85).

එසේ තිබියදීත් මුස්ලිම් වරයෙක් ජනතාවට වංචා කොට වෙළඳාම් කරන්නේ නම් ඔහු කරනු ලබන කුසල් ක්‍රියා වල නියම ප්‍රතිපල ලබා ගැනීමට හැකි වන්නේ නැත. එපමණක් නොව ඔහු අල්ලාහ්ගෙන් කරන ප්‍රාර්ථනයන් පවා ඉටු වන්නේ නැත.

ඉස්ලාම් දහමේ තවත් විශේෂයක් වන්නේ පොලිය තහනම් කොට වෙළඳාම අනුමත කොට තිබීමයි. මේ සම්බන්දයෙන් කුරානය මෙසේ පවසයි.

"වෙළඳාම පොලිය මෙන්ම වන්නේයැයි ඔවුන් පැවසුහ. එහෙත් අල්ලාහ් පොලිය තහනම් කොට වෙළඳාම අනුමත කොට ඇත" (කුරානය 2:275).

මේ නිසා මුස්ලිම්වරයෙකුට සෑම පොළි ගනුදෙනුවකින්ම වැළකී සිටීම අනිවාර්‍ය වේ. තවද මත් පැන්, මත්කුඩු, දුම්වැටි ඇතුළු ඉස්ලාම් දහමින් තහනම් කොට ඇති සෑම දෙයක්ම වෙළඳාම කිරීම සපුරා තහනම් වේ. ඉන් උපයන ලාභය "හරාම්" හෙවත් තහනම් වේ. එසේ තිබියදීත් යම් මුස්ලිම්වරයෙක් මෙම වැරදි කරන්නේ නම් ඔවුන් අල්ලාහ්ගේ ශාපයට සහ දඬුවමට ලක් වනු ඇත.

අල් කුරානය මිනිසාට නියෝග කොට තිබෙන්නේ පාරිශුද්ධ දේ අනුභව කරන ලෙසය. 

"විශ්වාසවන්තයෙනි! අපි ඔබට ලබා දුන් දැයෙන් පාරිශුද්ධ දැයම අනුභව කරනු" (කුරානය 2:172). 

මේ නිසා මුස්ලිම්වරයෙකුගේ වෙළඳාමෙන් උපයන දේ අනිවාර්‍යයෙන්ම පාරිශුද්ධ විය යුතු ය. ඈත අහිතයේදී මුස්ලිම් වරුන්ගේ වෙළඳාම නිසා බොහෝ ජනයා ඉස්ලාම් දහම ගැන සැදී පැහැදී සිටියහ. ඉන්දුනීසියාව ඉස්ලාම් රාජ්‍යයයක් බවට පත් වීමට ප්‍රධාන හේතුව වුයේ එහි වෙළඳාමට ගිය මුස්ලිම් වරුන්ගේ ක්‍රියා කලාපය යි. එහෙත් අවාසනාවකට මෙන් අද ජිවත්වන බොහෝ මුස්ලිම්වරුන්ගේ ජිවිත රටාව අල් කුරානයේ ඉගැන්වීම්වලට වඩා බෙහෙවින්ම වෙනස් වී තිබේ. එම තත්වය වෙනස් වන තුරු මුස්ලිම් වරුන්ට මෙලොව ජීවිතය මෙන්ම මතු ජීවිතය ජය ගැනීම පහසු කාර්‍යයක් වන්නේ නැත. 

ඉස්ලාම් දහමට පටහැනිව ක්‍රියා කරමින් කොපමණ මුදල් හම්බ කලත් ඊට අල්ලාහ්ගේ ආශීර්වාදය ලැබෙන්නේ නැත. ඒ හැරුණු විට මරණයෙන් පසු කෙනෙක් මුදල් ඉපැයූ ආකාරයත් එය වියදම් කල ආකාරයත් ගැන අල්ලාහ්ට පිළිතුරු දිය යුතු බව නබිතුමා පවසා ඇත. මේ නිසා සෑම මුස්ලිම්වරයෙකුම දහමට මුල් තැන දෙමින් පාස්වෙලා සලාතය නිසි ලෙස ඉටු කරමින් වෙළඳාම් කිරීමට අධිටන් කර ගත යුතු ය. 

By Fasy Ajward. B.Sc (Sp.Phy) Hons.Japura.

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam

http://truepath1.blogspot.com/

Twitter:-thetrue_path