තීරණ ගැනීමේදී හදවතේ බලපෑම කුමක්ද? (What is the effect of the heart on decision making?)

මිනිස් ජිවිතයට හදවතේ බලපෑම තදින්ම බලපාන්නේය. එම නිසා මුහම්මද් නබි (සල්ලල්ලාහු අලෙයිහි වසල්ලම්) තුමාණෝ හදවත ගැන සඳහන් කරමින් මෙසේ පවසා ඇත. “අපගේ ශරීරයේ මස් කැබැල්ලක් ඇත. එය හොඳ තත්වයේ පවතින්නේ නම් මුළු ශරීරයම යහපත් වේ. එය දූෂිත වන්නේ නම් මුළු ශරීරයම දූෂිත වේ”. මින් පැහැදිලි වන්නේ මිනිස් ක්‍රියාකාරකම් වලට හදවත බල පාන බවයි. කෙසේ වෙතත් විද්‍යාඥයින් මෙතෙක් කර ඇති පර්යේෂණ අනුව හදවත භෞතික දෙයක්ද නැතහොත් පාරභෞතික දෙයක්ද යන්න ස්ථිර ලෙස නිගමනය කොට නැත. එහෙත් අනාදිමත් කාලයක සිටම සිතීමේ ප්‍රධාන අවයවය ලෙස ක්‍රියා කරන්නේ හදවත බව විශ්වාස කොට තිබේ. මේ නිසා ජන වහරේ "ඔබේ හදවතට තට්ටු කොට බලන්න" වැනි කතාද "හර්ධය ශාක්ෂියට එකඟව කියන්න" යනාදී කියමන් ද දැක ගත හැකිය. 

පර්යේෂකයින් පෙන්වා දෙන ආකාරයට අපගේ හැඟීම් නිසා මොළයෙන් හදවතට යවනු ලබන සංඥා වෙනස් කරන අතර හදවත සංකීර්ණ ආකාරයකින් ඒවාට ප්‍රතිචාර දක්වන්නේය. එපමණක් නොව, හදවත මොළයට යවන පණිවිඩ මිනිස් ක්‍රියාකාරීත්වයට බලපාන බව පර්යේෂකයින් පෙන්වා දෙන්නේය. තවද ඔවුන් පවසන අන්දමට මිනිස් හදවත, මොළය හා ශරීරය සමඟ සිව් අකාරයකට සන්නිවේදනය කරන්නේය.

ඉස්ලාමිය ලෝකයේ ප්‍රසිද්ද විද්වතෙකු වන ඉමාම් ගzස්සාලි පවසන්නේ මිනිසාගේ වැදගත්ම හරය සිත (Qalb-Self) බවයි. ඔහු සඳහන් කරන්නේ සිත අධ්‍යාත්මික (spiritual) වස්තුවක් වන අතර එය ශරීරය තුල පවතිමින් භෞතික සහ අධ්‍යාත්මික ක්‍රියාවන් මෙහෙය වන බවයි. තවද සිතට (Qalb) භෞතික හදවත සමග සම්බන්දකමක් ඇති බැවින් ඔහු පවසන්නේ එය හදවත ලෙසද හැඳින්විය හැකි බවයි. ඉමාම් ගzස්සාලි පවසන ආකාරයට ආත්මය අරාබි බසින් කල්බ් (සිත-heart), රූහ් (ආත්මය-soul), නෆ්ස් (desire-nature) සහ අක්ල් (intellect) යනුවෙන් වර්ගීකරණය කල හැකිය.

මිනිස් ශරීරයට සමානව මිනිසාගේ මනසත් රෝගී හෝ නිරෝගී විය හැකිය. මේ නිසා සෑම විටම නිරෝගී මනසක් සතුටින් සිටින අතර රෝගී මනසක් දුකට පත් වන්නේය. ඉස්ලාම් දහම අනුව අල්ලාහ්ව මෙනෙහි කිරීමෙන් හදවත් ශාන්තිය අත්කර ගන්නා අතර අල්ලාහ්ව මෙනෙකි නොකර සිටීමෙන් හදවත් මිය යන්නේය. එවැනි අය ජිවත්වන්නේ අධ්‍යාත්මික හදවත මිය ගිය අය ලෙසයි. එවැනි අයට මොන තරම් ලෞකික සම්පත් තිබුනත් සතුටට පත් වන්නේ නැත. 

අල් කුරානයේ දැක්වෙන පරිදි ඇතැම් අය කරන වැරදි හේතුවෙන් ඔවුන්ගේ හදවත් වලට අගුලු දමා ඇත. එවැනි අයට ඇස් තිබුනත් හරිදේ දැකිය නොහැකිය. කන් තිබුනත් සත්‍යය වැටහෙන්නේ නැත. හදවත තිබුනත් සත්‍යය තේරුම් ගත නොහැකිය. මෙවැනි තත්වයන්ට මුහුණ දුන් පසු ඔවුන්ටත් තිරිසනුන්ටත් වෙනසක් නැති වන්නේය.

අල් කුරානයේ ඇතැම් සිත් ගල් පර්වත වලට සමාන කොට ඇත. “ඉන් පසුවද ඔබගේ හදවත් දැඩිවිය. එය ගල් පර්වත මෙන් හෝ නැතහොත් ඊටත් වඩා දැඩි විය. (මන්දයත්) සමහර පර්වතවලින් උල්පත් ඇති වී සැමදා ජලය වැහෙන්නේය. තවත් සමහර පර්වත පැලී දෙබෑ වී එයින් ජල දහරා වැහෙන්නේය. ඉන් සමහරක් අල්ලාහ්ට බියෙන් පහලට ඇද හැලෙන්නේය. අල්ලාහ් ඔබ කරන දැය නොදන්නේ නොවේ” (කුරානය 2:74).

මිනිස් සිත් දැඩි වීමට බලපාන ප්‍රධන සාදක අතර අල්ලාව මෙනෙහි නොකර සිටීම ප්‍රධාන තැනක් ගන්නේය. එවැනි අය බොරු කීමට හෝ මිනිසුන් මුලා කිරීමට හෝ වංචා කිරීමට හෝ කාමය වරදවා හැසිරීමට හෝ බිය වන්නේ නැත. කොටින්ම කිවහොත් ඔවුන් තෝරාගෙන ඇත්තේ සාතන්ගේ මාර්ගය වේ. තවත් සමහරු කිසිම පදනමක් නොමැතිව සත්‍යය වසම් කරමින් තර්ක කරති. ඔවුන්ගේ හදවත් වලට අල්ලාහ් මුද්‍රා තබන්නේය.

“(අල්ලාහ්ගෙන්) තමන්ට පැමිණි කිසිම සාදකයක් නොමැතිව අල්ලාහ්ගේ ආයාවන් ගැන (නිකරුනේ) තර්ක කිරීම අල්ලාහ් වෙතද විස්වාස කළ අය වෙතද ඉතාමත් පිළිකුල් සහගතය. මෙසේම ආඩම්බරය හා උඩඟුකම ඇති සෑම කෙනෙකුගේම හෘදයන්හි අල්ලාහ් මුද්‍රා තබන්නේය. (එබැවින් ඔවුන්ට ස්වයංව ඍජු මාර්ගය අත්කර ගත නොහැකි වන්නේය)” (කුරානය 40:35).

බොහෝ අය සත්‍ය දැක දැකත් ඉන් බැහැර වන්නේ ඔවුන්ගේ සිත් දැඩි වීම හේතුවෙනි. එය ඔවුන් මෙලොවදී ලබන ලොකුම දඬුවම යි. එහි ප්‍රථිපලය වන්නේ මරණයෙන් පසු සදාකල් නිරයට පාත්‍ර වීම යි. මරණයෙන් පසු ජීවිතය සාර්ථක කර ගැනීමට කළ යුත්තේ උඩඟු කම පැත්තක දමා සත්‍යය සොයාගෙන ජිවත් වීමයි. 

By Fasy Ajward.B.Sc (Sp.Phy) Hons.Jpura,

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam

http://truepath1.blogspot.com/

Twitter:- thetrue_path