නබිතුමා ඔහුගේ උපන් දිනය සැමරුවාද? (Did the Prophet celebrate his birthday?)

උපන්දින සැමරීම සන්බන්දයෙන් ඉස්ලාම් දහම කිසිවක් සඳහන් කොට නැත. ඒ අනුව නබිතුමා ජිවතුන් අතර සිටින තාක් කල් කිසිවෙකුගේ උපන් දින සැමරීමක් සිදු කලේ නැත. කෙසේ වෙතත් එය ආරම්භ වන්නේ හිජ්රි හතර වන සිය වසේදීය. එනම් නබිතුමාගේ අභාවයෙන් පසු වසර පන්සියයක් ගෙවී ගිය පසුවය. නබිතුමා වෙනුවෙන් මුල් වරට උපන්දින සැමරීමක් සිදු කරනු ලැබුවේ ඊජිප්තුවේ අග නගරය වන ඉර්බිල්හි අල්-මාලික් අල්-මුලෆ්ෆර් අබු සඊද් (al-Malik al-Muzaffar Abu Sa‘eed) විසිනි. එවකට කලීෆා වුයේ ෆාතිමිඩ් වරයෙක් වන ෂෙයික් අල්-මහ්ෆුස් ය. ඔහු ෂියා නිකායට අයත් මුස්ලිම්වරයෙකු වේ. කෙසේ වෙතත් අල්-අෆ්දාල් නමැති හමුදා පාලකයා විසින් මිලාද් උත්සවය නතර කොට ඇත. එහෙත් අල්-අමීර් බි-අහ්කාම් අල්ලාහ් විසින් හිජ්රි 524 දී නැවතත් මිලාද් උත්සවය පැවැත්වීමට කටයුතු යොදා තිබේ.

උපන්දින සැමරීම ඉස්ලාම් දහමේ කොටසක් වුයේ නම් ඒ ගැන ජනතාවට දැනුවත් කිරීම නබිතුමාගේ වගකීමකි. එහෙත් ෂරියාවේ කිසිම තැනක උපන්දින සැමරීම සම්බන්දයෙන් සඳහනක් නැත. මේ නිසා නබිතුමා ජිවතුන් අතර සිටින තාක් කල් උපන්දින සැමරීමක් තමන් වෙනුවෙන් හෝ ඔහුගේ භාර්‍යාවන් වෙනුනෙන් හෝ ඔහුගේ ඥාතින් වෙනුවෙන් හෝ සිදු කලේ නැත. තවද නබිතුමා පෙන්වා නොදුන් දෙයක් දහම ලෙස සැලකීම බලවත් වරදක් වේ. 

ෂරියාවට අලුතින් යමක් එක්කිරීම බලවත් වරදකි. අලුතින් එක් කරන දේවල් වලට බිද්අත් යැයි කියනු ලැබේ. සෑම බිද්අත් ක්‍රියාවක්ම නොමග ගිය දේවල් වන අතර නොමග ගිය සෑම දෙයක්ම නිරයට අයත් බව නබිතුමා පවසා තිබේ.

නබිතුමා විසින් වර්ණනා කරන ලද මුල් කාල වකවානුවේ ජිවත් වූ කිසිවෙකු විසින් නබිතුමාගේ උපන්දිනය සමරා නැත. ඒ අනුව අබු බක්කර් රලි තුමා හෝ උමර් රලි තුමා හෝ උස්මාන් රලි තුමා හෝ අලි රලි තුමා හෝ නබිතුමාගේ උපන් දිනය වෙනුවෙන් කිසිවක් සිදු කොට නැත. තවද ශ්‍රේෂ්ඨ ඉමාම් වරුන් වන අබුහනිෆා, මාලික්, ෂාෆි හෝ හම්බලි (ඔවුන් සියලු දෙනා කෙරෙහි අල්ලාහ්ගේ ශාන්තිය අත්වේවා) යන විද්වතුන්ද නබි තුමාගේ උපන් දින සැමරීම සඳහා අනුමැතිය ලබා දී නැත. එසේම වර්තමානයේ ජිවත්වන කිසිම විද්වතෙක් නබිතුමාගේ උපන්දින සැමරීම අනුමත කොට නැත. කෙසේ වෙතත් ඇතැම් උදවිය නබි තුමා කෙරෙහි ඇති බක්තිය නිසා මිලාද් උත්සවයක් පවත්වන්නේය. එහෙත් එය ඉස්ලාම් දහමින් අනුමත දෙයක් නොවේ. 

ඇතැම් අය පවසන්නේ නබිතුමා සඳුදා දිනක ඉපදුනු බැවින් එය සැමරීම සඳහා එම දිනයේදී එතුමා උපවාසයේ යෙදී ඇති බවයි. එය සත්‍යයක් නම් අප ද කල යුත්තේ එම දිනයේදී උපවාස කිරීම මිස වෙන කිසිවක් නොවේ. 

අල් කුරානයට අනුව නබිතුමා කෙරෙහි සෙනෙහස ඇති අය කල යුත්තේ හැකිතාක් දුරට එතුමාව අනුගමනය කිරීමය. මේ සම්බන්දයෙන් අල් කුරානය මෙසේ පවසයි: “පවසනු: ඔබ අල්ලාහ් කෙරෙහි සෙනෙහස දක්වන්නේ නම්, මාගේ (නබිතුමාගේ) මාර්‍ගය පිලිපදිනු, එවිට අල්ලාහ් ඔබව ප්‍රිය කරන අතර ඔබගේ පව් සමාකරනු ඇත. අල්ලාහ් මහත්සේ සමාකරන්නාද මහත් කාරුනිකයාද වන්නේය” (Q3:31)

ඇත්ත වශයෙන්ම නබිතුමාගේ උපන්දිනය කිසිවෙකු විසින් නිවැරදිව දන්නේ නැත. ඒ අනුව නබිතුමාගේ උපන් දිනය වෙනුවෙන් බොහෝ දිනයන් උපකල්පනය කොට තිබේ. රබියුල් අව්වල් දොළොස්වන දිනය එසේ උපකල්පනය කරන ලද එක් දිනයකි. එසේ තිබියදී දින නියම කරගනිමින් නබිතුමාගේ උපන් දින සමරන්නේ කෙසේද? 

By Fasy Ajward. B.Sc(Sp.Phy)Hons.Japura.

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam

http://truepath1.blogspot.com/

Twiter:- thetrue_path