ඉස්ලාමයේ නිකායික බෙදීම් තිබිය හැකිද? (Can there be sectarian divisions in Islam?)
අල් කුරානයේ ඉගැනිව්ම් අනුව නිකායික බෙදීම් තහනම් වේ. එසේ තිබියදී දේශපාලනික හේතුන් මත ඉස්ලාම් දහම තුල නිකායික බෙදීම් ඇති වන්නේ නබිතුමාගේ අභාවයෙන් වසර ගණනාවකට පසුවය. දහම කොටස් වලට කැඩීමට එරෙහිව අල් කුරානයෙන් මෙසේ අවවාද කොට ඇත. "නියත වශයෙන්ම කව්රුන් හෝ තම දහම කොටස් වලට බෙදා නිකායන් ඇති කරයිද ඔවුන් විෂයෙහි ඔබගේ කිසිම සම්බන්දයක් නැත. ඔවුන්ගේ විෂය අල්ලාහ් වෙතම පැවරෙන්නේය. ඔවුන් කරමින් සිටි දේ පිළිබඳව ඔවුනට ඔහු (අල්ලාහ්) පසුව දැනුම් දෙනු ඇත" (කුරානය 6:159). නබිතුමා මෙම කුර්ආන් වැකිය පාරායනය කිරීමෙන් පසු පවසා ඇත්තේ: මොවුන් දහම තුල අලුතින් දේවල් ඇති කරන්නන් බවත් ඔවුන් තම ආශාවන් අනුගමනය කරන්නන් බවත් ඔවුන් හට සමාවක් නැති බවත් ය. (තව්සීර් අල් කුර්තුබි). කෙසේ වෙතත් මුස්ලිම්වරුන් කොටස් 73 කට බෙදෙන බව කලින්ම අනාවැකි පවසා තිබේ. ඉන් එක් කොටසක් හැර අන් සියලුම කොටස් නිරයට යන බවත් පවසා තිබේ. එම ස්වර්ගයට යන කොටස කව්රුන් දැයි නබි තුමාගෙන් විමසු විට ඔහු පවසා තිබෙන්නේ ඔහු සහ ඔහුගේ සහාබාවරුන් එදා සිටි අකාරය පිලි පදින අය බවයි (තිර්මිසි, ඉබ්නු මාජා, අබු දාවුද්).
අල් කුරානයේ තවත් තැනක මෙසේ සඳහන් කොට ඇත. "නුඹලා සියලුදෙනාම (කුරානය නැමති) අල්ලාහ්ගේ කඹය තදින් අල්ලාගන්න. නුඹලා වෙන් නොවන්න" (කුරානය 3:103). ඉන් පැවසෙන්නේ මුස්ලිම්වරුන් මුහුණ දෙන ප්‍රශ්න වලදී කුරානයෙන් ඊට විසඳුම් සොයා සමගිය ආරක්ෂා කල යුතු බවයි.
මුස්ලිම්වරුන්ගේ පිල් බෙදීම ආරම්භ වන්නේ අලි රලි තුමාගේ සමයේදීය. ඊට හේතුව ඇතැම් අය උස්මාන් රලි තුමාගේ ඝාතනය මුල් කරගෙන ගෙන ගිය කුමන්ත්‍රණයක ප්‍රතිපයල වේ. මිට මුලිකත්වය දෙනු ලැබුවේ ඉස්ලාම් වේශයෙන් සිටි අබ්දුල්ලා ඉබ්නු සාබා ය. ඔහුගේ සැලසුම අනුව උස්මාන් රලි තුමා ඝාතනයට පත් වන්නේය. ඉන්පසු පාලන බලය ලැබෙන්නේ අලි රලි තුමාටය. එහෙත් එවකට ආණ්ඩුකාරවරයාව සිටි මුආවියා රලි තුමා එම පත්වීම පිලි නොගත් අතර අලි රලි තුමාට එරෙහිව ඔහු නැගී සිටියේය. මෙම යුද්ධයේ ප්‍රතිපලයක් ලෙස ෂියා සහ කවාරිජ් යන කණ්ඩායම් දෙක බිහි විය. මෙම කණ්ඩායම් දෙකම නබිතුමාගේ මග පෙන්වීමට පිටු පාන ලද අය වෙති. කාලයාගේ ඇවෑමෙන් මෙම ෂියා කණ්ඩායම තවත් අනු නිකායන් වලට බෙදී ගියේය. කෙසේ වෙතත් ඉස්ලාම් දහම ගැන කිසිම දෙයක් නොදන්නා අය මොවුන්ව සාම්ප්‍රදායික මුස්ලිම්වරුන් ලෙස හඳුන්වන්නේ ය. එසේ තිබියදී නබිතුමා සහ ඔහුගේ සහාබා වරුන් අනුගමනය කල මාර්ගය ඔස්සේ ජිවත් වන අයට සුන්නි වරුන් යැයි කියනු ලැබේ.
මේ වන විට ඉස්ලාම් දහම තුල බොහෝ නිකායන් දැකිය හැකිය. ඒවා බොහොමයක්ම සුෆි නිකාය අනුගමනය කරන අය වෙති. ඇත්ත වශයෙන්ම සුෆි වාදය ආරම්භ වන්නේ ක්‍රි.ව. 632කේ මුල් භාගයේ දීය. අරාම්භයේදී එය සුන්නි වරුන්ගේ මුහුණුවරක් ගෙන තිබුනත් පසු කාලිනව නොයෙකුත් අළුත් ඇදහිලි ඒ තුල ඇතුලත් වීම නිසා එය වැරදි මාර්ගයේ ගමන් කිරීමට පටන් ගෙන තිබේ. අද අපි දකින සෑම තරිකාවක්ම සුෆි වාදය මත ගොඩ නගා තිබේ. ඒවායේ නබිතුමා පෙන්වා නොදුන් අළුත් ඇදහිලි විශාල ලෙස ඇතුලත් කොට තිබෙනු දැකිය හැකිය.
ඒ අනුව බොහෝ තාරිකාවන්හි සාන්තුවරයන්ගේ සොහොන් ආශ්‍රිත වත් පිළිවෙත් සිදු වනු දැකිය හැකිය. ඒවා ඉස්ලාම් දහමට අලුතින් එකතු කරන ලද ඒවාය. අද වන විට සුෆි කණ්ඩායම් දුසිම් ගණන් බිහි වී තිබේ. මේ සෑම සුෆී කණ්ඩායමක්ම අල්ලාහ්ට පමණක් තිබිය යුතු ගුණාංග නබිතුමාටත් ඔවුන්ගේ ඉමාම් වරුන්ටත් ලබා දෙන්නේය. තවද ඔවුන් නබිතුමා පෙන්වා නුදුන් වචන භාවිතයෙන් කණ්ඩායම් සෑදී අල්ලාහ්ව ශබ්ද නගා සික්ර් කරන්නේය. එසේ තිබියදී රිෆායි තරිකාව තවත් පියවරක් ඉදිරියට තබමින් ඉස්ලාම් දහමින් පෙන්වා දී නැති රබාන් වාදනය කරමින් සික්ර් කරන්නේය. තවද එම තරිකාවේ උදවිය විසින් ශරීරය කපාගැනීමෙන් ප්‍රාතිහාර සිදු කරන්නේය. එහෙත් ඒවා කිසිවක් ඉස්ලාම් දහමට සම්බන්ද දේවල් නොවේ.
සුෆි වාදය තුල බොහෝ හින්දු විශ්වාසයන් ඇතුලත් වේ. ඒ අනුව අල්ලාහ් සෑම තැනම සිටින බව විශ්වාස කිරීම ඔවුන්ගේ විශ්වාසයකි. මෙම සංකල්පය වහ්ජතුල් වුජුද් යැයි කියනු ලැබේ. එහෙත් ඉස්ලාමිය විශ්වාසය වන්නේ අල්ලාහ් අර්ෂ් හි සිටින බවත් ඔහු අර්ෂ්හි සිට සියලුම දේවල් නිරීක්ෂණය කරන බවත්ය. ඒ අනුව අල්ලාහ් ඔහුගේ මැවීම් සමග භෞතිකව සම්බන්ද නොවන අතර ඔහුගේ නිරීක්ෂණය තුල සියලුම දේවල් අන්තර්ගත වන්නේය.
ඉස්ලාම් දහම තුල ප්‍රධාන ගුරු කුලයන් නොහොත් මස්හබයන් හතරක් දැකිය හැකිය. ඒවායින් කෙරෙන්නේ මිනිසුන්ට දහම නිවැරදිව ඉදිරිපත් කිරීමයි. එම නිසා එම ගුරුකුලයන් නිකායික බෙදීම් ලෙස වෙන් කල නොහැකිය. මස්හබ් හැරුණු විට ඉස්ලාම් දහමේ බොහෝ සංවිදාන පිහිටුවා තිබේ. ඒවා සලෆි, වහාබි, තබ්ලිග් යන නම් වලින් දැකිය හැකිය. එම සංවිදාන වලින් කෙරෙන්නේ ඉස්ලාම් දහම ප්‍රචාරය කිරීම පමණි. එය මුස්ලිම්වරුන්ට දහමින් නියම කොට ඇති වගකීමක් ද වේ.
By Fasy Ajward B.Sc(Sp.Phy) Hons.Japura,
Ex.Research officer at former Ceylon Institute of Scientific and Industrial Research.
Twiter:- thetrue_path
Comments
Post a Comment