සැබෑ ආගමක ලක්ෂණ මොනවාද? (What are the characteristics of a true religion?)

මෙම ලිපියෙන් ආගම යන්නෙන් අදහස් කරනු ලබන්නේ දෙවියන්ගෙන් පහළ කරන ලද පණිවිඩයකට ය.  ඒ අනුව යුදෙව් කිතුනු සහ ඉස්ලාම් එම ගණයට අයත් වේ. කෙසේ වෙතත් ඕනෑම ආගමක් එය දේශනා කරන ලද සාස්තෘවරුන්ගේ අභාවයෙන් පසු වෙනස් කම් වලට භාජනය විය හැකිය. එසේ  නැතහොත් ඒවායේ කොටස් අතුරුදහන් විය හැකිය. ඇතැම් විට එය පහළ වූ භාෂාවෙන් වෙනත් භාෂාවකට පරිවර්තනය කිරීම නිසා වෙනස් කම් ඇති විය හැකිය. මේ නිසා ආගමක මුල් ස්වරූපය වෙනස් වී තිබේ දැයි පරික්ෂා කිරීම සඳහා යම් නිර්ණායකයක් අවශ්‍ය වේ. 

මේ නිසා දහමක් නිවැරදි වීමට නම් පහත දැක්වෙන කරුණු සම්පුර්ණ විය යුතුය. 

• දහම පහළ වූ මුල් භාෂාවෙන්ම තිබිය යුතුය. එසේ නොවුවහොත් දහම තුල මිනිසුන්ගේ අදහස් ඇතුලත් විය හැකිය. 
• නිවැරදි දහමක් කිසිම වෙනසකට භාජනය නොවී මුල් ස්වරුපයෙන්ම තිබිය යුතුය.
• දහමක් තුල මිනිසුන්ගේ අවශ්‍යතාවයන්ට අනුව කොටස් එකතු කිරීමක් හෝ කොටස් අඩු කිරීමක් සිදු නොවිය යුතුය 
• නිවැරදි දහමක පරස්පරතාවයන් නොතිබිය යුතුය. පරස්පරතාවයන් ඇති වන්නේ නම් එය දෙවියන්ගෙන් පහළ වී තිබිය නොහැකිය. 
• නිවැරදි දහමක ඇති නීති යල් පැනගිය ඒවා නොවිය යුතුය. යම් විදියකින් එහි ඇති නීති රීති හෝ එහි ඇති වෙනත් කරුණු යල් පැන ගිය ඒවා බවට පත් වන්නේ නම් එම දහම සෑම යුගයකටම ගැලපෙන්නේ නැත. 
• දහමක් පහළ වූ යුගයේ පැවති අවිද්‍යාත්මක කරුණු දහම ලෙස ඉදිරිපත් නොවිය යුතුය. එසේ වන්නේ නම් එහි ඇති විශ්වාසනීයත්වය පලුදු වන්නේය.  
• නිවැරදි දහමක දෙවියන් පිලිබඳ අර්ථදැක්වීම හරියාකාරව ඉදිරිපත් කොට තිබිය යුතුය. නැතහොත් දහමකින් බලාපොරොත්තු වන මුලික අවශ්‍යතාවය ගිලිහී යන්නේය. එවැනි දහමක් ඇදහීමෙන් කිසිම ප්‍රයෝජනයක් අත්වන්නේ නැත. 
• නිවැරදි දහමකින් මිනිස් ජිවිතයේ අරමුණ ලඟා කර ගන්නා ආකාරය ඉතා නිවැරදිව ඉදිරිපත් කොට තිබිය යුතුය. එසේ නොවන විට අනුගාමිකයින්ට දහම නිවැරදිව පිලි පැදිමේදී ගැටළු ඇති විය හැකිය. 
• නිවැරදි දහමකින් මිනිසාගේ ආරම්භය සහ අවසානය පිළිබඳව නිවැරදිව කරුණු ඉදිරිපත් කොට තිබිය යුතුය. එසේ නොවන විට එම දහම අසම්පුර්ණ එකක් වන්නේය.

බොහෝ අය ඉහත සඳහන් කරුණු කෙරෙහි සැලකිලිමත් වන්නේ නැත. ඒ අනුව දෙමව්පියන්ගෙන් උරුම වන දහම අන්දානුකරණය කරන්නේය. එසේ කිරීමෙන් තම ඉලක්කය ලඟා කර ගැනීමට හැකි නොවන අතර මහන්සියෙන් කරනු ලබන පින් දහම් වලින් ප්‍රයෝජනයක් ලැබීමට හැකි වන්නේ නැත. මේ නිසා තම ඉලක්කය කරා යාමට නම් තමන් අදහන ආගම ගැන මනා අවබෝදයක් තිබිය යුතුය. එය නිසැකවම දෙවියන්ගෙන් පහළ කරන ලද දහම බවට නිශ්චය කර ගත යුතුය.

By Fasy Ajward.B.Sc(Sp.Phy) Hons.Japura.

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam

http://truepath1.blogspot.com/

Twiter:- thetrue_path