ඉස්ලාම් දහම අනුව මිනිසාගේ ආරම්භය සහ අවසානය (The beginning and end of man according to Islam)

සත්ව ලෝකය තුල මිනිසා අද්විතීය ස්ථානයක් හොබවන්නේය. ඒ අනුව කිසිම ජීවියෙක් මිනිසාගේ අහලටවත් ගත නොහැකිය. මිනිසාගේ හැකියාවන් ගැන සැලකීමේදී ඔහුට නොයෙකුත් භාෂාවන් කතා කල හැකිය. නොයෙකුත් නිර්මාණයන් කල හැකිය. එහෙත් මිනිසා හැර වෙනත් කිසිම සතෙකුට එවැනි දේවල් කිරීමට තියා සිතා බැලීමටවත් නොහැක. මෙවැනි දෙයක් ජීවීන්ගේ පරිණාමය තුලින් සිදු විය හැකි බව විද්‍යාඥයින් පවා පිළිගන්නේ නැත. ඩාවින්ගේ වාදයේ ඇති දුර්වලතාවයන් සහ අඩු ලුහුඩුකම් ඊට හේතුව වේ. එසේ නම් මිනිසාට මෙම තත්වය උදා වුයේ කෙසේද? 

ලෝකයේ ඇති සෑම ප්‍රධාන අගමකින්ම කියවෙන්නේ ආදම් තුමාව මැටියෙන් නිර්මාණය කොට ඔහුට ආත්මය ලබා දුන් බවයි. එසේම කුරානයේ සඳහන් ආකාරයට ආදම්තුමාව මැවීමෙන් පසු ඔහුට සෑම දෙයක්ම දෙවියන් කියා දුන්නේය. මේ නිසා ආදම්තුමාගේ දරුවන් වන අපට නොයෙකුත් භාෂාවන් කතා කිරීමට හැකියාව ලැබී තිබේ. මේ සම්බන්දයෙන් පර්යේෂණ සිදු කල ඇමරිකානු විද්‍යාඥයින්ට පවා මිනිසාට මෙතරම් වචන කතා කිරීමට හැකි වුයේ කෙසේදැයි සොයා ගැනීමට හැකිවී නැත. 

අද බොහෝ අය ජිවත් වන්නේ මිනිසා කෙසේ ඇති වුයේ දැයි දැනගෙන නොවේ. ඒ අනුව ඇතැමුන් සිතන්නේ මිනිසා සොබාදහම අනුව අතිවූ බවයි. එහෙත් අල්පෙනෙත්තක් පවා ඉබේ ඇති නොවන තත්වයක් තුල මිනිසා වැනි ඉතා සංකීර්ණ ජීවියෙක් ඉබේ ඇති වන්නේ කෙසේ දැයි සිතා බැලිය යුතු නොවේද? 

මිනිසා තරම් උසස් ජීවියෙක් අරමුණකින් තොරව මවා ඇතැයි  කිව හැකිද? ඇත්ත වශයෙන්ම මිනිස් ජිවිතයට අරමුණක් තිබිය යුතුය. එය සොයා දැනගැනීම මිනිසාගේ වග කීමකි. එම වගකීම පැහැර හරිමින් ජීවත්වී මරණයට පත් වුයේ නම් කුමක් සිදු විය හැකිද? 

ලෝකයේ ඇති ආගම් දෙස බලන කල මුල්ම මිනිසා පටන් ආගමක් පහළ වී තිබේ. ඒ අනුව යුදෙව්, කිතුනු සහ ඉස්ලාම් ලෝකයේ දැනට ඇති ප්‍රධාන ආගම් ය. මෙම දහම් පහළ වීමට පෙර නබිවරුන් හරහා මිනිස් ජිවිතයේ අරමුණ පෙන්වා දී තිබේ. අල් කුරානය අවසාන වශයෙන් මිනිසා වෙනුවෙන් පහළ වූ දහම් පණිවිඩය වේ. කුරානයට අනුව මිනිසාව මවා තිබෙන්නේ මිනිසාගේ මැවුම්කරු වන අල්ලාහ්ට නැමදීම සඳහාය. තවද කුරානය මගින් මිනිසාට යහ මාර්ගය පෙන්වා දී තිබේ. මිනිසාගේ මරණයෙන් පසු මෙලොවදී කල සෑම දෙයක් ගැනම විනිශ්චය දිනයේදී ප්‍රශ්න කිරීමට නියමිතය. 

එම ප්‍රශ්න කිරීමට පෙර සොහොනේදී ද ඇතැම් මුලික ප්‍රශ්න කිරීම් සිදු කරනු ලැබේ. ඒ අනුව මිනියක් භූමිදානය කල පසු දේවදුතයින් දෙදෙනෙකු පැමිණ ඔහුගේ මැවුම්කරු ගැන ප්‍රශ්න කරන්නේය. ඊට නිවැරදි පිළිතුරු ලබා දුන්නේ නම් මෙලොවට පහළ වූ අවසාන නබිවරයාව ඔහුට පෙන්වා ඔහු කව්රුන්දැයි ප්‍රශ්න කිරීමට නියමිතය. ඉන් පසු ඔහුගේ දහම කුමක් දැයි ප්‍රශ්න කරනු ඇත. කුරානය පිළිපදිමින් ජීවත්වූ අය එම පැනයට පහසුවෙන්ම පිළිතරු ලබා දෙනු ඇත. එවිට ඔහු වෙනුවෙන් ස්වර්ගයේ ජනේලයක් විවෘත කරනු ලැබේ. ඒ අනුව ඔහු විනිශ්චය දිනය දක්වා සතුටින් සැතපෙන්නේය. එම දේවදුතයින් දෙදෙනාගේ ප්‍රශ්න කිරීම් වලට පිළිතුරු දීමට නොහැකි වූ අයට සොහොනේදී දඬුවම් කිරීම ආරමහ කරනු ලැබේ. සොහොන් ජීවිතයේ අවසානයත් සමග විනිශ්චය දිනය පටන් ගන්නේය. විනිශ්චය දිනයේදී සෑම ආත්මයක්ම ප්‍රශ්න කිරීමකට ලක් කරනු ලැබේ. ඒ අනුව මෙලොවදී කරන ලද සෑම දෙයක් ගැනම ප්‍රශ්න කිරීමෙන් පසු ස්වර්ගය හෝ නිරය ලබා දීමට නියමිතය. ස්වර්ගයේ සහ නිරයේ ජිවිතයට අවසානයක් නැත. මේ නිසා ස්වර්ගවාසින් සදාකල් ස්වර්ගයටත් අල්ලාහ්ව විශ්වාස නොකළ නිරා වැසියන් සදාකල් නිරයටත් ඇතුලත් වීමට නියමිතය. 

By Fasy Ajward.B.Sc(PhysicsSp)Hons.Japura.

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam
http://truepath1.blogspot.com/
Twiter:- thetrue_path