මුස්ලිම්වරුන් අතර සියදිවි නසා ගැනීම් අඩු ඇයි? (Why is suicide so low among Muslims?)

සමස්තයක් ලෙස ලෝකයේ සියදිවි හානිකර ගැනීම දිනෙන් දින වැඩි වෙමින් පවතී. එය වසරකදී මිලියනකක් පමණ අගයක් ගන්නේය. එනම් සෑම තත්පර හතලිහකටම වරක් ලෝකයේ කොතැනක හෝ එක් සියදිවි නසාගැනීමක් සිදු  වේ. ලෝක සෞඛ්‍ය සංවිදායනය වාර්තා කරන අන්දමට මෙම අගය 2050 වන විට මිලියන 1.5 අගය ඉක්මවනු ඇත. ඉන් 25% ක්ම තරුණයින් සහ වයස විසිපහට අඩු අය වීම සැලකිල්ලට ගත යුතු කරුණකි.

ශ්‍රී ලංකා ජාතික මානසික සෞඛ්‍ය ආයතනයේ ප්‍රධානී අචාර්ය නීල්ප්‍රනාන්දු මහතාගේ වාර්තාවකට අනුව ලංකාවේ එම අගය වසරකට 4000 ක් පමණ අගයක් ගන්නේය. එම අගය ලෝක මට්ටමින් දෙවන ස්ථානය වේ. කෙසේ වෙතත් සංඛ්‍යාලේකන වලට අනුව මුස්ලිම්වරුන් අතර සියදිවි හානිකර ගැනීමේ අගය ඉතාමත් අඩු මට්ටමක පවතින්නේය. පහත දැක්වෙන වගුවෙන් එය විදහා දැක්වේ.

වසරක් තුලදී මිනිසුන් 100,000 කට සිදුවන සියදිවි නසාගැනීම් (2012)

රටේ නම	පිරිමින් සහ ගැහැණු එකතුව	ශ්‍රේණිය
ගුයනා	44.2	1
දකුණු කොරියාව	28.9	2
ශ්‍රී ලංකාව	28.8	3
ඉන්දියාව	21.1	11
රුසියාව	19.5	14
ජපානය	18.5	17
ඇමරිකාව	12.1	50
පකිස්තානය	9.3	76
ජර්මනිය	9.2	77
තුර්කිය	7.9	93
බංගලාදේශය	7.8	94
සිරියාව	0.4	170
සෞදි අරාබියාව	0.4	171

(List by the World Health Organization - 2012)

මුස්ලිම්වරුන් අතර සිය දිවි හානිකර ගැනීම අවම වීමට ප්‍රධාන හේතුව ඔවුන්ගේ ආගමික විශ්වාසය යැයි කිව හැකිය. මුස්ලිම්වරුන් අල්ලාහ් දෙවිඳුන් කෙරෙහි දැඩි ලෙස විශ්වාස කරන්නේය. ඒ අනුව ඔවුන් මුහුණ දෙන ඕනෑම ප්‍රශ්නයකදී අල්ලහ්ගේම උදව් පතන අතර සියදිවි හානිකර ගැනීමට පෙළඹෙන්නේ නැත. ඉස්ලාමිය ඉගැන්වීම අනුව සිය දිවි නසාගැනීම මහා පාපයක් වේ. තවද සිය දිවි හානිකර ගත් අයගේ අවසානය නිරය වේ. 

සිය දිවි හානිකර ගැනීම සම්බන්දයෙන් මනෝ විද්‍යාඥ, කැන්ඩිස් ලැම් ඔහුගේ අත්දැකීම් මෙසේ සඳහන් කරයි, “මගේ රෝගීන් සාමාන්‍ය මිනිසුන්ට වඩා වැඩි පීඩනයක් යටතේ මානසික ආබාධ රාශියකින් පීඩා විඳියි. ඒවා මෙලෙස වර්ගීකරණය කල හැක. භීතිකා ප්‍රහාර, නින්ද නොයාම, ප්‍රචණ්ඩකාරී පිපිරීම්, මත්ද්‍රව්‍ය වල වැරදි භාවිතය, ආහාර ගැනීමේ අක්‍රමිකතා, සියදිවි නසාගැනීමේ සිතුවිලි, ලිංගික ඇබ්බැහි වීම් සහ කිංකි හෝ විකෘති ලිංගික හැසිරීම”  කෙසේ වෙතත් මුස්ලිම්වරුන් මෙම තත්වයට පත් නොවන්නේ අල්ලාහ් කෙරෙහි ඇති විශ්වාසය නිසාය. අල්ලාහ්ව සිහි කිරෙමෙන් ඔවුන්ගේ සිත් සැනසුම ලබන බව මෙම කුර්ආන් වැකියෙන් පෙන්වා දී තිබේ. "අල්ලාහ්ව සිහිකිරීම තුලින් විශ්වාස කළවුන්ගේ සිත් සැනසුම ලබයි. දැනගන්න! අල්ලාහ්ව සිහිකිරීම තුලින් සිත් සැනසුම ලබයි" (කුරානය 13:28). 

ඉස්ලාම් දහම අනුව දුප්පත් කම නිසා හෝ වෙනත් ආර්ථික ප්‍රශ්න නිසා සිය දිවි හානිකර ගැනීම බලවත් වරදකි. මෙම කුර්ආන් වැකියෙන් එය පෙන්වා දී තිබේ. “....දුප්පත්කමට (බිය වී) නුඹලාගේ දරුවන්ව ඝාතනය නොකරන්න. අපිම නුම්බලාටද, ඔවුන්ටද ආහාර ලබා දෙමු. තවද නින්දාසහගත ක්‍රියාවන්හි ප්‍රසිද්ධ දේටද, රහසිගත දේටද සමීප නොවන්න. අල්ලාහ් වැළැක්වූ කුමන ජීවයක් වුවද අයිතියක් නොමැතිව ඝාතනය නොකරන්න...” (කුරානය 6:151). 

සිය දිවි හානිකර ගැනීම සම්බන්දයෙන් කුරානයේ මෙසේද සඳහන් වේ. “විශ්වාස කලවුනි! නුඹලා අතර තෘප්තිමත් භාවය මත කෙරෙන වෙළඳාම හැර, නුඹලාගේ වස්තු නුඹලා අතර වැරදි අන්දමින් අනුභව නොකරන්න. තවද, නුඹලාව නුඹලාම නොනසා ගන්න. නියතව අල්ලාහ් නුඹලා සමග අසම දයාවන්තයා ලෙස සිටියි. සීමාව ඉක්මවාද, අසාධාරණ ලෙසද කවරෙක් මෙය කරයිද ඔහුව අපි නිරයට ඇතුළු කරන්නෙමු. මෙය අල්ලාහ්ට ඉතා පහසු කාර්යයක් වේ" (කුරානය 4:29-30).

ලෞකික ජීවිතය පරීක්ෂාවක් බව මුස්ලිම්වරුන් හොඳාකාරව දන්නේය. ඒ අනුව සෑම කෙනෙක්ම යම්කිසි පරික්ෂාවකට ලක් වීම වැළැක්විය නොහැකිය. ඉන් ගැලවීමට මාර්ගයද ඉස්ලාම් දහම පෙන්වා දී තිබේ. එම උපදෙස් පිලි නොගෙන සිය දිවි හානිකර ගැනීමෙන් සිදු වන්නේ කබලින් ලිපට වැටීමක් වැනි දෙයකි. 

By Fasy Ajward. B.Sc(PhysicsSpecial)Hons,Japura.
Ex: Research officer at Ceylon Institute of Scientific and Industrial Research.

https://www.facebook.com/thetruepathofislam
http://truepath1.blogspot.com/