මිථ්‍යාදෘෂ්ටිකවාදය සහ ඉස්ලාම් (Paganism and Islam)

මිථ්‍යාදෘෂ්ටිකත්වය යනු ලෝකයේ තිබෙන ප්‍රධාන ආගම් වලට අයත් නොවන නූතන ආගමික ව්‍යාපාරයකි. විශේෂයෙන්ම ඊට අයත් වුවන් විශ්වයේ අධිපති දෙවියන් වෙනුවට සොබාදහමට නමස්කාර කරන්නේය. මේ නිසා මිත්‍යදෘෂ්ටිකයින්ට විශ්වය මවා පාලනය කරන්නාවූ දෙවියන් පිලිබඳ විශ්වාසයක් නැත. කුරානයේද මිථ්‍යාදෘෂ්ටිකයින් ගැන සඳහන් වේ. ඔවුන් කව්රුන්ද යත් තම මුතුන් මිත්තන් වැඳුම් පිදුම් කල දේව රූප වලට නැමදුම් කරන්නෝය. අල් කුරානය ඔවුන් ගැන මෙසේ පවසයි: "මොවුන් (මිත්‍යා දෘෂ්ටිකයින්) නැමදුම් කරන දේ ගැන නුඹ සැකයෙහි නොසිටිය යුතුය. මීට පෙර තම මුතුන් මිත්තන් නැමදුම් කළා සේම මොවුන්ද නැමදුම් කරති" (කුරානය 11:109).මින් අදහස් කරන්නේ ඔවුන් වැරදි ඇදහිලිවල ගිලිහී සිටින බවයි. ඔවුන් කරනු ලබන්නේ තම මුතුන් මිත්තන් කල දේවල් වලට වැඳීම බව කුරානයේ ප්‍රසිද්ධ විවරණයක් වන ඉබ්නු කසීර් හි දැක්වේ. 

මිථ්‍යාදෘෂ්ටිකයින්ට අනුව ස්වභාව ධර්මය පූජනීය වේ. තවද මිනිසා සොබාදහමේ කොටසක් ලෙස ඔවුන් සලකති. මිථ්‍යාදෘෂ්ටිකයින් පුනරුත්පත්තිය විශ්වාස කරති. එහෙත් ඉස්ලාම් දහම අනුව මිනිසාට වෙනත් ජීවී කුලක වල පුනරුත්පක්තියක් නැත. එපමණක් නොව මිනිසා ලොව සිටින ජීවින් අතරින් අද්විතීය ස්ථානයක් උසුලන්නේය. 

මිත්‍යාදෘෂ්ටිකයින්ට මේ ලෝකය ඇති වූ අන්දම හෝ මරණයෙන් පසු සිදුවන දේවල් පිලිබඳ මනා අවබෝදයක් නැත. මේ හේතුවෙන් ඔවුන් තම මුතුන් මිත්තන්ගේ ඇදහිලි මත එල්බගෙන සිටිති. ඔවුන් විශ්වාස කරන්නේ විශ්වය සහ එහි ඇති සියලුම දේවල් ඉබේ ඇතිවී තිබෙන බවයි. වෙනත් විදියකින් කියන්නේ නම් ඔවුන් විශ්වාස ක‍රන්නේ ඒවා සියල්ලම සොබා දහමින් නිර්මාණය වූ බවයි. එහෙත් ස්වභාවදහම යනු නිර්මාණකරුවෙක් නොවේ. එය හුදෙක් අර්ථ දැක්වීමක් පමණි. මේ නිසා ඔවුන් කරන පින් හෝ පව් විනිශ්චය කොට ස්වර්ගය හෝ නිරය දීමට කෙනෙක් සිටින බව ඔවුන් දන්නේ නැත. 

මිත්‍යා දෘෂ්ටිකයින් විසින් සොබා දහම දෙවියන් වෙනුවට ආදේශ කලත් ඔවුන් වැඳුම් පිදුම් කරන්නේ තම අතින්ම සාදාගත් මනක්කල්පිත දේව රූප වලට ය. එම දේව රූප නොහොත් පිළිම ගැන කුරානය මෙසේ පවසයි. "අල්ලාහ් හැර නුඹලා යදින අන් සියලුම දේ නුඹලා මෙන්ම වහලුන් ය. ඔබලා සත්‍ය වන්තයින් නම් ඒවාට ඇරයුම් කොට පිළිතුරු ලබා දීමට සලස්වනු" (කුරානය7:194). කුරානයේ තවත් තැනක මෙසේ දැක්වේ. "ඔවුන් අල්ලාහ් වෙනුවට අයදින වෙනත් දේවල් වලින් ඔවුන්ට හොඳක් හෝ විපතක් හෝ ඇති නොකරයි. එය වඩාත්ම දුරස්ථ වූ මංමුළාවකි" (කුරානය 22:12).

මිථ්‍යාදෘෂ්ටිකයින් ජිවත් වන්නේ ඔවුන් විසින්ම මවාගත් ලෝකයක් තුලය. ඔවුන් අදහන දේව රුප වලින් කිසිවක් මවා නැත. අනෙක් අතට එම දේව රූප මිනිසා විසින් නිර්මාණය කොට තිබේ. එසේ තිබියදී එම පිළිමවලින් මිනිසාගේ උවමනාවන් ඉෂ්ඨ කරන්නේ කෙසේද? තවද මිනිසා කරන පින් හෝ පව්වලට එම පිළිම වලින් කුලිය දෙන්නේ කෙසේද?  ඇත්තෙන්ම මිනිසා තම මරණයට පෙර මේවා ගැන සිතා බැලීම ඉතා වැදගත් කරුණකි. 

ඉස්ලාම් දහම අනුව මරණයෙන් පසු විනිශ්චයක් ඇත. එම විනිශ්චයෙන් පසු මිනිසාට නිමක් නැති ස්වර්ගය හෝ නිරය ලැබීමට නියමිතය. 

By Fasy Ajward.B.Sc(PhysicsSpecial)Hons.Japura.

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam
http://truepath1.blogspot.com/
Twiter:- thetrue_path