විද්‍යාව කෙරෙහි ඉස්ලාම් දහමේ බලපෑම (Influence of Islam on Science)
ඉස්ලාම් දහමෙහි මුලික පරමාර්ථය අධ්‍යාත්මික ලෝකය ජය ගැනීමය. එහෙත් භෞතික ලෝකය හොඳින් තේරුම් ගැනීම සඳහා කුරානය විශාල දායකත්වයක් ලබා දී තිබේ. මේ හේතුවෙන් අඳුරේ ගිලි තිබුණු යුරෝපයට ආලෝකය ලබා දෙමින් බොහෝ විද්‍යාඥයින් මුලින්ම බිහිවුයේ මුස්ලිම්වරුන් අතරින්ය. ඒ අනුව වීජ ගණිතය, ත්‍රිකෝණමිතිය, රසායන විද්‍යාව, භෞතික විද්‍යාව, වෛද්‍ය විද්‍යාව වැනි ක්ෂේස්ත්‍ර රැසක් වෙනුවෙන් මුලික අත්තිවාරම දැමුවේ මුස්ලිම් විද්‍යාඥයින් බව කිසිවෙකුටත් බැහැර කල නොහැකිය.
විද්‍යාව නිසා භෞතික ලෝකය හොඳින් තේරුම් ගත හැකිය. භෞතික ලෝකය තේරුම් ගන්නා තරමට දහම හොඳින් තේරුම් ගැනීමට ලැබෙන්නේය. මෙම කරුණ නුතන ලෝකයේ ජීවත්වූ ශ්‍රේෂ්ඨ ඇමරිකානු විද්‍යාඥයෙකු වන ස්ටෙෆාන් හොකින් මහතා විසින් එලි දක්වන ලද කෘතියකත් සඳහන් වේ. එසේම විසිවන සියවසේ බිහිවූ ශ්‍රේෂ්ඨ විද්‍යාඥයෙකු වන ඇල්බට් අයින්ස්ටයින් පවසන්නේ. විද්‍යාවෙන් තොර ආගම අන්ද බවත් ආගමින් තොර විද්‍යාවට අර්ථයක් නැති බවත් ය.
අල් කුරානය පහළ වුයේ මිනිසාට යහ මග පෙන්වීම සඳහා වුවත් එහි විද්‍යාව සම්බන්ද බොහෝ වැකි ඇතුලත්ය. එහෙත් කුරානය පහළ වූ හත්වන සියවසේ ජීවත්වූ කිසිවෙකු විසින් එම කරුණු එදා දැන සිටියේ නැත. උදාහරනයක් ලෙස අහස සහ පොලව එකම ප්‍රභවයක්ව තිබී පසුව ඒවා වෙන්වූ බව කුරානයේ සඳහන් වේ. එහෙත් විද්‍යාඥයින් ඒ බව දැනගත්තේ 20වන සියවසේදීය.
ඈත අතීතයේදී මිනිසා විශ්වාස කලේ පෘථිවිය කේන්ද්‍ර ගත සෞරග්‍රහ මණ්ඩලයක් ගැනය. ඉන් පසු සුර්යයා වටා ග්‍රහ වස්තු ගමන් කරන බවත් සුර්‍යා අචල වස්තුවක් බවත් විශ්වාස කළහ. එහෙත් කුරානය තුලට මෙම අවිධ්‍යත්මක කරුණු ඇතුලත් වුයේ නැත. ඒ වෙනුවට කුරානයෙන් පෙන්වා දෙනු ලබන්නේ සුර්යයා ඊට නියමිත කක්ෂයක ගමන් කරන බවයි. එම කරුණ නවීන විද්‍යාවෙන් ඉදිරිපත් කරනු ලැබුවේ කුරානය පහළ වී වසර ගණනාවක් ගෙවී ගිය පසුවය.
නවීන විද්‍යාවෙන් විශ්වය ප්‍රසාරණය වන බව සොයා ගනු ලැබුවේ බොහෝ නවීන විද්‍යා උපකරණ සහ විද්‍යා දැනුම භාවිතා කිරීමෙන් පසුය. එහෙත් කිසිම විද්‍යා උපකරණයක් භාවිතා නොකොට එම කරුණම කුරානය තුල දැක ගත හැකිය.
ඉහත සඳහන් කරුණු අනුව ඉස්ලාම් දහමටත් විද්‍යාවටත් අතර මනා සම්බන්දයක් තිබේ. එහෙත් විශේෂත්වය වන්නේ ඉස්ලාම් දහම සෑම විටම විද්‍යාවට වඩා ඉදිරියෙන් සිටීමයි. මේ හේතුව නිසා ඉස්ලාම් දහමින් පෙන්වා දෙන සෑම දෙයකම විද්‍යාත්මක පසුබිමක් තිබේ. උදාහරණයක් වශයෙන් ඉස්ලාම් දහමින් නියම කොට ඇති උපවාස තුල මිනිසාට බොහෝ සෞඛ්‍යමය ප්‍රතිලාබ තිබේ. ඒවා නවීන විද්‍යාවෙන්ද තහවුරු වේ. එසේම පිරිසිදු කම සම්බන්දයෙන් ඉස්ලාම් දහම පෙන්වා දෙන සෑම දෙයක්ම විද්‍යාත්මක පසුබිමක පිහිටා ඇත. මින් පැහැදිලි වන්නේ ඉස්ලාම් දහම අන්ද බක්තිය මත පදනම් නොවන බවයි.
අල් කුරානය නිතරම විද්‍යාවට වඩා ඉදිරියෙන් තිබීමෙන් පෙන්නුම් කරන්නේ එය මිනිස් නිර්මාණයක් නොවන බවයි. කුරානය පහළ වන්නේ විශ්වය සහ එහි ඇති සියලුම දේවල් මවා පාලනය කරන්නාවූ අල්ලාහ්ගෙන් ය. මේ නිසා කුරානය පහළවී වසර එක්දහස් හාරසිය පනහක් පමණ ගෙවී ගොස් ඇතත් එහි කිසිම වැරැද්දක් මේ දක්වා හමුවී නැත. එය මිනිසාට මෙලොව සහ එලොව ජයග්‍රහණයට මග කියා දෙන්නේය.
Ex: Research officer at Ceylon Institute of Scientific and Industrial Research.
https://www.facebook.com/thetruepathofislam
http://truepath1.blogspot.com/
Twiter:- thetrue_path
Comments
Post a Comment