ඉස්ලාම්, වැරදියට වටහාගෙන ඇති දහම (Islam, The Most misunderstood religion)

ලෝක ජනග්‍රහණයෙන් තුනෙන් එකක් පමණ සිටින්නේ මුස්ලිම් වරුන් ය. එසේ තිබියදී වැඩියෙන්ම වැරදි වැටහීමක් තිබෙන්නේ ඉස්ලාම් දහම ගැනය. ඊට එක් හේතුවක් වන්නේ ඉස්ලාම් දහම ගැන විද්‍යුත් සහ ලිඛිත මාධ්‍යවලින් සිදු කරනු ලබන අසත්‍ය ප්‍රචාරයන් වේ. ඒවා නිතර නිතර කනට වැටීම නිසා බොහෝ අය ඉස්ලාම් දහම ගැන දැනගැනීමට උනන්දු වන්නේ නැත. එපමණක් නොව වැරදි ප්‍රචාරයන් නිසා බොහෝ අය සිතන්නේ ඉස්ලාම් යනු ත්‍රස්තවාදී දහමක් බවයි. එම නිසා ඔවුන් එවැනි ආගමක් ගැන දැනගැනීමට උනන්දු වන්නේ නැත. 

ඉස්ලාම් දහමට මොන තරම් ප්‍රහාර එල්ල කරනු ලැබුවත් ලෝකයේ වේගයෙන්ම ව්‍යාප්ත වන දහම බවට ඉස්ලාම් පත්ව ඇත. එම තත්වයට හේතුව කුරානයේ ඇති සරල බව සහ නිවැරදි භාවයයි. ඉස්ලාම් හැර වෙනත් කිසිම දහමක එම තත්වය දැකිය නොහැක. මැණිකක් මඩේ දැමු පමණින් එහි වටිනාකම අඩුවන්නේ නැත. එසේම ඉස්ලාම් දහමට මොනතරම් මඩ ගැසුවත් එහි  වටිනාකම අඩු වන්නේද නැත. 

ඉස්ලාම් දහමට ඇති එක් චෝදනාවක් වන්නේ එය කඩුවෙන් ව්‍යාප්ත වූ බවට ය. එය සත්‍යයක් නම් අද වන විට ඉස්ලාම් දහමේ ව්‍යාප්තිය නතර විය යුතුය. එහෙත් අප දකින්නේ අන් කවරදාකටත් වඩා වේගයෙන් ඉස්ලාම් දහම ලොව පුරා ව්‍යාප්ත වන බවයි. මේ නිසා ඉස්ලාම් දහම කඩුවෙන් ව්‍යාප්ත වුයේ යැයි කීම පුස්සක් බවට පත් වේ. 

ඇමරිකාවේ ද්විත්ව කුලුනට කව්රු ප්‍රහාර එල්ල කලත් එය වරදකි. එසේ තිබියදී කිසිම උසාවියක නඩු තීන්දුවක් නිකුත් වීමටත් මත්තෙන් එය මුස්ලිම් ත්‍රස්තවාදීන්ගේ ක්‍රියාවක් යැයි ජන මාධ්‍ය වලින් ප්‍රචාරය කිරීම ඊටත් වඩා විශාල වරදකි. කෙසේ වෙතත් එම සිද්ධියෙන් පසු ඇමරිකානුවන් කුරානය  කියවීමට උනන්දු වූ අතර බොහෝ අය ඉස්ලාම් දහම වැළඳ ගෙන තිබේ. එය ඉස්ලාම් දහම ලැබූ විශාල ජයග්‍රහණයකි. 

කුරානය තුල යුද්ධය සම්බන්ද වැකි තිබීම සම්බන්දයෙන් ඇතැම් අය චෝදනා කරන්නේය. ඇත්ත වශයෙන්ම අංග සම්පුර්ණ දහමක එසේ තිබීම පුදුම වීමට කාරණාවක් නොවේ. කුරානය යනු ඉස්ලාමිය ලෝකය පාලනය කරන ව්‍යවස්ථාව වේ. අදටත් සෞදිය පාලනය කරන්නේ කුරානයේ ඇති නීති රීති අනුවය. එසේ තිබියදී සතුරු අකරමනයක් සිදු වුයේ නම් ඔවුන් සමග සටන් වැදීම සඳහා යුද්ධය සම්බන්ද වැකි අවශ්‍ය නොවේද? 

කරුණු නොදැන කුරානය විවේචනය කලත් ඕනෑම රටක තිබෙන ව්‍යවස්ථාවේ යුද්ධයට අදාළ වගන්ති ඇතුලත් වේ. කුරානය යනු මුස්ලිම්වරුන්ගේ ව්‍යවස්ථාවයි. ඒ අනුව එහි ජනතාවගේ ආරක්ෂාව වෙනුවෙන් කටයුතු කිරීම සඳහා යුද්ධයට අදාළ වැකි අන්තර්ගත වීම වැළැක්විය නොහැක. එක්සත් ජාතීන්ගේ සංවිදානයේ පවා නිත්‍ය බලකායක් දැකිය හැකිය. 

ඇතැම් අය මුස්ලිම් කාන්තාවන්ගේ වස්ත්‍රය දෙස බලා විවේචන එල්ල කරන්නේය. එහෙත් එම වස්ත්‍රයෙන් සිදු වන්නේ කාන්තාවන්ට ගෞරවයක් සහ ආරක්ෂාවක් සැපයීම වේ. සත්‍යය වශයෙන්ම කාන්තාවන්ට මිනිස් ආත්මයක් පවා නැතැයි විශ්වාස කල යුගයක පහල වූ කුරානයෙන් කාන්තාවන් සඳහා බොහෝ අයිතිවාසිකම් ලබා දී ඇති බව බොහෝ අය දන්නේ නැත. උදාහරණයක් ලෙස කාන්තාවන්ට දෙපළ අයිතිය ලබා දුන්නේ කුරානය පහළ වූ පසුය. ඥාතියෙක් මිය ගිය විට ප්‍රවේණිය උරුමය ලබා දුන්නේ කුරානය පහළ වීමෙන් පසුය. දෑවැද්ද අහෝසි කොට මහර් දීමනාව අනිවාර්ය කළේ කුරණය පහළ වීමෙන් පසුය. මෙතරම් දෙයක් වෙන කිසිම ආගමකින් කාන්තාවන් වෙනුවෙන් ලබා දී නැත. 

මුස්ලිම් නොවන ඇතැමුන්ට හලාල් සහතිකය ගැන තිබෙන්නේ වැරදි වැටහීමකි. එහෙත් ඉන් කෙරෙන්නේ පරිබෝජනයට සුදුසු දේ පහසුවෙන් හඳුනා ගැනීමට ඉඩ සලසා දීමකි. උදාහරණයක් ලෙස ඌරු මස්වලින් බොහෝ සෞඛ්‍යමය ගැටළු ඇතිවේ. එබැවින් ඉස්ලාම් දහම එය තහනම් කොට තිබේ. එවැනි තව බොහෝ දේවල් වෙළඳ පොලක තිබිය හැකිය. ඒවා පහසුවෙන් හඳුනා ගැනීම සඳහා හලාල් සහතිකයක් නිකුත් කරන්නේය. එවැනි පියවරක් නිසා මුස්ලිම්වරුන්ට පමණක් නොව අනෙක් ප්‍රජාවන්ටත් ඉන් සෙතක් සැලසේ. 

ඉස්ලාම් දහම ගැන ඇති තවත් වැරදි වැටහීමක් වන්නේ ඔවුන්ට වෙනමම බැංකු තිබීමයි. ඊට හේතුව මුස්ලිම්වරුන්ට කුරණයෙන් පොලිය සම්බන්ද සියලු ගනු දෙනු තහනම් කොට තිබුනත් සම්ප්‍රදායික බැංකුවල ගනු දෙනු කිරීමේදී පොලිය සම්බන්ද වීමය. මේ නිසා මුස්ලිම්වරුන් පොලිය සම්බන්ද නොවන වෙනමම බැංකු ක්‍රමයක් පවත්වාගෙන යන්නේය. 

ඕනෑම දහමක් පවතින්නේ එම දහම ගැන මනා දැනුමක් ඇති උගතුන් නිසාය. එවැනි උගතුන් බිහි කල හැක්කේ දහම උගන්වන පාසල් වලින් පමණි. මේ සඳහා මුස්ලිම්වරුන් තම ආගමේ පැවැත්ම සඳහා මද්‍රසා පාසල් පිහිටුවා ගෙන තිබේ. එවැනි පාසැල් තිබෙන්නේ මුස්ලිම් වරුන් අතර පමණක් නොව අනෙක් ආගමිකයින් අතරත් එවැනි දහම් පාසැල් දැකිය හැකිය. මේ නිසා මද්‍රසා පාසල් ඇති කිරීම ප්‍රශ්නයක් කර ගත යුතු නැත. 

ඇත්ත වශයෙන්ම යම් කෙනෙකුට ඉස්ලාම් දහම ගැන සත්‍යය කරුණු දැනගැනීමට අවශ්‍ය නම් කල යුත්තේ ජන මාද්‍යය වලින් ප්‍රචාරය වන සාවද්‍ය තොරතුරු වෙනුවට ඉස්ලාම් දහම ගැන ලියා ඇති පත පොත අධ්‍යයනය කිරීමය. එමගින් ඉස්ලාම් දහම ගැන ඇති වැරදි වැටහීම් තුරන් කල හැකි ය.

By Fasy Ajward.B.Sc(PhysicsSpecial)Hons.Japura.

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam

http://truepath1.blogspot.com/

Twiter:- thetrue_path