දෙවියන් පිලිබඳ නිර්වචනය කුමක්ද? (What is the definition of God?)

බොහෝ අය දෙවියන් පිලිබඳ අර්ථ දැක්වීම හරි හැටි නොදන්නා හේතුවෙන් තමන්ගේ අභිමතය පරිදි තෝරාගත් දේවල් සඳහා වැඳුම් පිදුම් කරන්නේය. එහෙත් අපි නැමදුම් කල යුත්තේ විශ්වයේ මැවුම්කරු ගැන නිවැරදිව දැනගෙන ඔහුට පමණි. එසේ නොකළහොත් අපගේ පින් දහම් ගඟට කැපු ඉනි වලට සමාන කළ හැකිය. 

දෙවියන් කිසිවෙකුගේ මැවීමක් නොවේ. සියලුම දේවල්වල ආරම්භය ඔහුය. කෙසේ වෙතත් බොහෝ අය වැඳුම් පිදුම් කරන්නේ මිය ගිය සාස්තෘවරුන්ට සහ තම අතින්ම නෙලාගත් පිළිම වලටය. එහෙත් ඒවායින් කිසිවක් කල නොහැකිය. මේ නිසා ඒවාට කොපමණ කන්නලව් කලත් ඒවායින් උදව්වක් ලැබෙන්නේ නැත.

එසේ තිබියදී දෙවියන් එක්කෙනක් බව බොහෝ ආගම්වල සඳහන් වේ. එය විශ්වය ගැන අධ්‍යයනය කිරීමේදීද දැක ගත හැකිය. තවද විශ්වයේ ඇති සෑම භෞතික නියමයක්ම විශ්වය පුරා නොවෙනස්ව පැවතීම එහි නිර්මාතෘ එක්කෙනෙකු බවට කදිම සාක්ෂියකි. මේ හේතුවෙන් අපට බහු දේව විශ්වාසය බැහැර කිරීමට සිදුවේ.

ඕනෑම දෙයකට අර්ථ දැක්වීමක් තිබේ. දෙයක් නිවැරදිව හඳුනාගත හැක්කේ ඒ අනුවය. උදාහරණයක් ලෙස පෑනකට පෑනක් යැයි කියනු ලබන්නේ ඊට අදාළ ලක්ෂණ එහි තිබුනොත් පමණි. මේ හේතුවෙන් පොතක් දෙස බලා පැනක් යැයි නොකියන්නේත් පෑනක් දෙස බලා පොතක් යැයි නොකියන්නේත් ඒවායේ ඇති ලක්ෂණ නිසාය. ඒ අකාරයටම යම් දෙයක් බලා ඊට දෙවියන් යැයි පැවසීමට නම් එහි දෙවියන් සතු ලක්ෂණ තිබිය යුතුය.

අල් කුරානයේ දෙවියන් පිලිබඳ අර්ත්දැක්වීමක් මෙසේ දැකිය හැකිය. "පවසනු; අල්ලාහ් එක්කෙනෙකි. අල්ලාහ් කිසිවෙකුගේ අවශ්‍යතාවයන් නොමැත්තාය. ඔහු (කිසිවෙකුව) ප්‍රසුත කළේ නැත. ඔහු (කිසිවෙකුගෙන්) ප්‍රසුත වුයේද නැත. තවද, ඔහුට සමාන කිසිවෙකුද නැත" (කුරානය 112:1-4). මෙම අර්ථ දැක්වීම විශ්වයේ පැවැත්ම සමග ඉතා හොඳින් ගැලපෙන්නේය. ඇයිද යත් විශ්වය ගැන අධ්‍යයනය කිරීමේදී එය තනි පුද්ගලයෙකුගේ මැවීමක් බව ඉතා හොඳින් පෙනී යන නිසාය. එසේ නොවී එකිනෙකට පරස්පර භෞතික නීති ක්‍රියාත්මක වුයේ නම් විශ්වය මෙලහට විනාශයට පත්වී තිබෙනු ඇත. 

බොහෝ අය වැඳුම් පිදුම් කරන දේවල් වලින් කිසිම දෙයක් මවා නැත. එහෙත් විශ්වය සහ එහි ඇති සියලුම දේවල් පවතින්නේ සත්‍යය දෙවි කෙනෙක් සිටින බැවිනි. ඔහු නොවන්නට විශ්වය හෝ එහි ඇති කිසිම දෙයක් ඇති වීමට විකල්ප ක්‍රමයක් නැත. 

ඕනෑම උපකරණයක් සමගම අත්පොතක් නිකුත් කරනු ලැබේ. ඒ අකාරයටම ඉතාමත්ම දියුණු මැවීමක් වන මිනිසා සමගද අත් පොතක් නිකුත් කොට තිබේ. එය මුල්ම මිනිසා වන ආදම් තුමාගේ පටන් අවසාන සාස්තෘ වරයා වන මුහම්මද් නබි තුමා දක්වා පැමිණ ඇත. අල් කුරනයත් සමග එම පණිවිඩය සම්පුර්ණ විය. කුරානයේ සඳහන් වන පරිදි මුහම්මද් නබි තුමාට පෙර ජිවත් වූ දාවුද් නබි තුමාට සබුර් ආගම් පුස්තකයද මුසා නබි තුමාට තව්රාත් හෙවත් බයිබලයේ පැරණි ගිවිසුමද ජේසු තුමාට ඉන්ජිල් හෙවත් බයිබලයද පහළ කොට තිබේ. එහෙත් කුරානය හැර අනෙක් සියලුම පුස්තක ඒවායේ මුල් ස්වරුපයෙන් අද දැකිය නොහැකිය. තවද ඒවා පහළ වූ භාෂාව වෙනුවට වෙනස් භාසවන්ට පරිවර්තනය කොට තිබේ. එහෙත් ලොවට පහළ වූ අවසාන දේව ග්‍රන්ථය වන කුරානය එය පහළ වූ මුල් භාෂාවෙන්ම අදටත් දැකිය හැකිය.

කිසිම උපකරණයක් අරමුණක් නොමැතිව නිර්මාණය කරන්නේ නැත. ඒ අන්දමටම මිනිසාවද අරමුඅනක් නොමැතිව මවා නැත. මිනිසා කල යුත්තේ එම අරමුණ වෙනුවෙන් ජිවත් වීමය. ඇයිද යත් යම් දවසක මිනිසා තම මැවුම්කරු වෙත යා යුතුම වේ. එදාට ඔහු අසනු ලබන ප්‍රශ්න වලට පිළිතරු දිය හැක්කේ ඔහු පෙන්වා දී ඇති පරිදි ජිවත් වුයේ නම් පමණි. එය නිවැරදිව දැනගත හැක්කේ දෙවියන් පහළ කරන ලද දහම් පනිවිදයකින්ම පමණි. ඒ අනුව දෙවියන් පහළ කරන ලද නිවැරදි දහම කුමක්දැයි සොයා බලා එය අනුගමනය කිරීම මිනිසාගේ මතු ජීවිතය ජය ගැනීමට හේතුවකි. 

By Fasy Ajward.B.Sc (PhysicsSp) Hons.Japura,

Ex: Research officer at Ceylon Institute of Scientific and Industrial Research.

https://www.facebook.com/thetruepathofislam

http://truepath1.blogspot.com/

Twiter:- thetrue_path