කුරානය පහල වුයේ කෙසේද? (How was the Quran revealed?)
අල් කුරානය වසර 23 ක් පුරාවට ජිබ්රිල් දේවදුතයා හරහා මුහම්මද් නබි තුමා වෙත කොටස් වශයෙන් පහළ විය. ජිබ්රිල් දේවදුතයා ගෙනෙන දේව පණිවිඩවලට අරාබි බසින් 'වහී' (وحي) යැයි කියනු ලැබේ. නබිවරුන්ට කිහිප ආකාරයකටම 'වහී' පණිවිඩ ලැබෙන්නේය. මෙම කුර්ආන් වැකියෙන් එය විස්තර කොට ඇත. “ඔහුගේ (අල්ලාහ්ගේ) අණ පරිදි ‘වහී’ මගින් හෝ තිරයට එහා සිට හෝ දුතයෙකුගේ මාර්ගයෙන් හෝ මිස ඔහු (අල්ලාහ්) කිසිම මිනිසෙකු සමග ඔහු (අල්ලාහ්) සිතන දෙය කතා නොකරයි” (කුරානය 42:51). මෙවැනි දේව පණිවිඩ මුහම්මද් නබි තුමාට පමණක් නොව ඔහුට පෙර පැමිණි සෑම නබිවරයෙකුටම ලැබුනේය.
ඕනෑම ග්‍රන්ථයක් කාලෙන් කාලෙට සංස්කරණය කරනු ලැබේ. එහෙත් අල් කුරානය පහළ වී වසර 1450 ක් පමණ ගෙවී ගොස් ඇතත් කිසිම සංස්කරණයකට භාජනය වී නොමැත. තවද එහි බොහෝ විෂයයන්ට අයත් කරුණු කොටස් වශයෙන් වසර 23 ක් පුරා පහළ කරනු ලැබුවත් කිසිම පරස්පරතාවයක් ඒ තුලට ඇතුලත් වී නොමැත.
අල් කුරානයේ වාඛ්‍යයන් 6666 ක් අන්තර්ගත වේ. ඒවා පරිජ්ජේද 144කට බෙදා වෙනකොට තිබේ. ඉන් සමහරක් ඒවා ඉතා විශාල පරිජ්ජේද වන අතර තවත් සමහර ඒවා ඉතා කුඩා ඒවා වන්නේය. ලොව පුරා වැඩියෙන්ම කියවන ග්‍රන්ථය අල් කුරානයයි. එය කටපාඩම් කල අය ලොව පුරා මිලියන 20 ඉක්මවන්නේය. සෑම මුස්ලිම්වරයෙකුම සලාතය ඉටු කිරීමේදී එය පාරායනය කරන්නේය.
මුහම්මද් නබි තුමාට මුල්ම දේව පණිවිඩය ලැබුනේ ඔහු හිරා නම් ගල් ගුහාවේ සිටින කාලයේදීය. ඒවා අල්ලාහ්ගේ සැලසුම අනුව මුහම්මද් නබිතුමා ස්මරණය කර ගත්තේය. ඉන් පසු වහා ලේකන ගත කරන ලදී. එම කාර්ය වෙනුවෙන්ම නිත්‍ය ලේඛකයින් පත්කර තිබුනේය. මුලදී ඒවා සම්වලත් වෙනත් සුදුසු දේවල් මතත් ලියා තැබුවේය. නබිතුමාගේ අභාවයෙන් පසු වැඩි ආරක්ෂාව සඳහා අබුබක්කර් රලි තුමාගේ පාලන කාලයේදී එය එක් ග්‍රන්ථයක් ලෙස සකසන ලදී. පසුව උස්මාන් රලි තුමාගේ කාලයේදී නැවත වරක් සුපරික්ෂාකාරීව පිටපත් කොට විවිධ ප්‍රදේශවලට යවන ලදී. ඉන් එක් පිටපතක් පමණක් හෆ්සා රලි තුමිය වෙත ආරක්ෂාව සඳහා තබන ලදී.
අල් කුරානය අල්ලාහ් විසින් පහළ කරන ලද බවට සාක්ෂි එය තුලින්ම දැක ගත හැකිය. එහි භාෂා විලාශය අති විශිෂ්ටය. එම හේතුවෙන් එවැනි කෘතියක් කියවීමට හෝ ලිවීමට නොදත් මුහම්මද් සල්ලල්ලාහු අලෙයිහි තුමාට හෝ එම යුගයේ ජීවත්වූ අරාබි බසින් පාණ්ඩිත්‍ය ලැබූ කිසිවෙකුට හෝ ඉන් පසුව පැමිණි කිසිවෙකුට හෝ මෙතෙක් ලිවීමට හැකිවී නැත.
අල් කුරානය තුල එය පහලවූ යුගයේදී කිසිවෙකු විසින් දැන නොසිටි ඉපැරණි ඓතිහාසික සිදුවීම් ඉතා නිවැරදිව සඳහන් වේ. එපමනක් නොව 20වන සිය වසේදී සොයාගැනුණු බොහෝ විද්‍යාත්මක සත්‍යයන් ඉතා නිවැරදිව එහි දැකිය හැකිය. එවැනි දෙයක් සිදු විය හැක්කේ එය මිනිස් නිර්මාණයක් නොවන නිසාය.
අල් කුරානය සමස්ත මිනිස් වර්ගයා වෙනුවෙන් පහළ වුවකි. එමගින් කුරානය පහළ වීමට පෙර පැවති දහම් පණිවිඩ තහවුරු කරන්නේය. කෙසේ වෙතත් අවසාන වශයෙන් පහළ වූ කුරාන්යෙන් දහම් පණිවිඩ සියල්ලම සම්පුර්න කෙරෙන්නේය. ඒ අනුව අද ජිවත් වන සියළු දෙනාට අයත් දහම් පණිවිඩය වන්නේ අල් කුරානයයි.
By Fasy Ajward.B.Sc(Sp.Phy)Hons.J.Pura,
Ex: Research officer at Ceylon Institute of Scientific and Industrial Research.
Twiter:- thetrue_path
Comments
Post a Comment